تحدثت الفنانة نيللي كريم، في برنامج «صاحبة السعادة»، الذي يذاع على قناة «سي بي سي»، عن تأثير الشخصيات التي تجسدها على نفسيتها، وأشارت إلى أنها في مسلسل «ذات»، شعرت لأول مرة بأنها تمر بحالة اكتئاب بعد نظرها إلى المرآة ورؤيتها لشكلها بملابس الدور، ولفتت إلى أنها بدأت تبكي وطلبت من مخرجة العمل، كاملة أبو ذكري، أن تذهب إلى منزلها وتنهي اليوم دون عمل، وبالفعل عادت إلى منزلها وحاولت استعادة شكلها الطبيعي. وقالت «كريم»: «أنتي بتفتكري أن أنتي بتطلعي من الشخصية، كنت أيام مسلسل ذات كنت بعمل المرحلة اللي هي كبرت وتخنت، وفاكره مرة أني روحت التصوير وبصيت على نفسي في المراية يومها بعد ما لبست، وبحط البونيه على رأسي قعدت كده وبقيت أعيط». واستكملت: «قلت هو أنا بقيت كده وبقى ده شكلي، مسكت الموبايل وقعدت أبص في صوري وأنا طبيعية وبعيط، ودخلت علي كاملة أبو ذكري ومديرة التصوير، وقعدوا يقولوا لي مالك، وأقعدت أقولهم أنا مش عارفه مالي أنا عندي اكتئاب أنا تعبانه وأول مرة أطلبها في حياتي، قلتلهم ممكن نفركش النهارده من كتر ما صورت كثير وما بلحقش أبص في المراية». وتابعت: «وطبعًا روحت البيت استحميت ولبست الجينز وتي شيرت وحطيت على وشي المكياج بتاعي، وأول ما خلصت الدور خالص في المسلسل رميت كل حاجه علشان أحس أني بعدت عنه». صاحبة السعادة | لقاء مع الفراشة نيللي كريم | الجزء الاول صاحبة السعادة | لقاء مع الفراشة نيللي كريم بتاريخ 19-12-2016 يمكنك مشاهدة الحلقة الكاملة وباقي الحلقات من هنا http://cbc.eg/BKSJbd أشترك في قناة صاحبة السعادة لمتابعة باقي الفيديوهات http://cbc.eg/ON5SRo تابع برنامج صاحبة السعادة مع إسعاد يونس website : http://www.cbc-eg.com/cbc YouTube : http://www.youtube.com/cbcegypt Facebook : http://www.facebook.com/cbcegypt Instagram : http://www.instagram.com/cbcegypt Google+: http://www.google.com/+cbcegypt Twitter : http://www.twitter.com/cbc_egy #CBCEgy | صاحبة_السعادة | #إسعاد_يونس#نيللي_كريم#الفراشة ضيفة الحلقة نيللي كريم