تجي نسهر ! ونعطي للقمر راحه ، مدامك أنت بالساحه ، يا نبض القلب وأفراحه ، وتتبسّم ؟ يضوّي ليلنا أكثر ؟ تجي نسهر ‏ ! ونتمرّد على الواقع ، تجي ندندن ، تجي ننجن ! تصير أفتن ! تجي غيمة ، تجي هتّان ! تملأ هالمسا ألحان ! يا طهر بشاكلة إنسان ! تجي نسهر ؟ تجي نسهر ! مـــــــثــــــــل أول ، وأغني لك ، ( يا كل الحب) ، ويجيك الدور ، تغني لي : ( يا عقد من الوله منثور ) ! تجي نسهر ! نرتّب للفراق أشياء ، تحط بشنطتك عطري ! تحط بداخلي إعياء ! توصَّى بحبنا العذري ! وأدري حالنا يقهر ! نموت وبعدنا أحياء ! ونتصبّر ! تجي نصغر ! ننطر هالسما تمطر ، نبني من التراب بيوت ، شغب أطفال ، ولا نخشى من العذال ! ولا نفكر متى بنموت ! تجي نسهر ندعي الصبح يتأخر ! تجي نسكر ؟ بلا خمر وبلا بيره ، بلا ذنب وبلا مُنكر ! بلا شك وبلا غيره ! سكارى حب بالفطره ! ونتسابق ، منو فينا يجي أبكر ! تجي نسهر تجي نبحر ، نهيم وعشقنا ملاح ، ونبعد عن موانيهم ، نلوّح للشقى بمنديل ! تجي نْحقق أمانيننا ! ولا به دمعتين تسيل ، تجي نرتاح ! تجي نبحر ترافقنا نوارسنا ، وشمسٍ حانيه وغيوم ! واذا غـــابــــــــــــــت ، نواسيها ، بأن الفجر تلقانا ، على حطت يدين الحب ! وتتركنا ، لـ ليلٍ فيه من شعرك ! وقمرا تشبهك ونجوم ! وتتبسَّم ، تضوّي بالدجى شمعه ! لها لمعه ، تشابه دمعة الأفراح ! وتتنفس ، تنشر عطرك الفواح ! شذى نرجس بأنفاسك ، وخدّك أحمر التفاح ! شفايف من كرز خمري ! بها طاب العليل وطاح ! تجي نتمتم أغانينا ؟ ونغزل هالغيوم وشاح ! تجي نحْلم ؟ مدام الواقع أرهقنا ! ولا نـــــــعـــــلـــمْ ! يجوز أهز لك كتفك ! وأهمس لك: تحقق حلمنا يا صاح تحقق حلمنا يا صاح تحقق حلمنا يا صاح