لم تتمالك الفنانة زينة نفسها أمام احتفالات أحمد عز وجمهوره بحكم البراءة من قضية سبها ،ووجهت له رسالة محملة بالكثير من السخرية والتهديد، فأكدت أولاً أنها لم تكن لتسمح بسجن عز حفاظاً على سمعة أولادها، وطالبته بالعودة من مهربه بلندن، وحذرته من الحديث مجدداً عن قضية النسب وإلا ستلاحقه بالقانون، مؤكدة أن كلامه عن تداول القضية بالمحاكم "ضحك على الناس". الرسالة المطولة نشرتها زينة تعليقاً على صور لعز أثناء تواجده بلندن مؤخراً وقالت فيها: معلش بقي انا ماكنتش ناوية اعلق بس بصراحة كدبك اللي مالوش نهاية بيستفزني جدا...اولا مبروك برائتك من قضية السب والقذف في حقي ولو ان مبروك من تهمة دي مش حاجه تشرف اوي يعني انت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش ابوهم رد سجون ...ارجع بقي من لندن اللي انت مستخبي فيها يا دكر مانخافش مش دي صورتك هناك. أضافت: اما بقي لو جبت سيرة ولادك وقضية النسب دي تاني هايكون ليا تصرف تاني معاك وبالقانون لان القضية دي اتقفلت لآخر يوم في عمرك بطل كدب وبطل تضحك علي الناس لان الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم .... وكفاية بقي فلم محترم ده علشان ماحدش بيصدقه غيرك الناس عرفت حقيقتك وياريت تبطل تستغبي الناس . واختتمت قائلة: والاهم من ده كله لو كان تم الحكم عليك كنت هاحس ان ربنا بيحبك وبيكفر عنك في الدنيا ....لكن الحمد لله حتي يبلغ الحمد منتهاه حسابك عند رب العالمين شايلهولك كله في الاخره ومافيش اعظم من حساب ربنا ... وابقي روح لربنا قله اقسم بالله يارب اشوفك وانت بتتحاسب يارب!! القاهرة_عمرو رضا أخبار المشاهير