نشرت الفنانة ريم البارودي صورة تجمعها بشقيقاتها الستّ ضمن أحداث مسلسل "السبع بنات"، عبر صفحتها الرسمية بموقع إنستقرام، لمناسبة قرب انتهاء عرضه الأول، وتحقيقه نجاحا يفوق التوقعات، وكتبت لكل نجمة بالمسلسل رسالة حب خاصة جدا . وتلقت حتى الان الرد من التونسية فريال يوسف، والمصرية إيمان العاصي. البارودي بدات رسائلها بالأخت الكبيرة "علا غانم" قائلة: كلاكيت تاني مره بعد مسلسل وليّ العهد، فعلا كنتِ ونعم الاخت والصديقة، وميرسي أوي على كل حاجه حلوه عملتيها معايا. ثم وجهت رسالة للبنات الخمس قائلة: البنات الخمس أول مرة اشتغل معاهم، بس مفيش أحلى ولا أجدع من كده.. "ايمان العاصي" بنت قلبي وجيلي هي قريبة جدا لقلبي، وبجد من قبل السبع بنات فأنا من معجبيها وفعلا ونعم الاخت. أضافت: و"فريال يوسف" شَبَهي في حاجات كتيرة وأشياء كتيرة مشتركة بينا في الحياه، ونِعمَ الأخت.. "دنيا المصري" بقى فيها مني كتير وقريبه مني أوي ونِعمَ الأخت". وتابعت :"ميرهان حسين" بقى اكتشاف اي نعم الشغل كان بينا قليل بس كانت ونِعمَ الأخت.. "تارا عماد" روحها وقلبها الحلو اكتشاف". واختتمت قائلة :الحقيقي كلّهم في غاية الإحترام والرقيّ والشياكة في التعامل، نفسيات سويّة وعشان كده ده كان سبب نجاح مسلسل "السبع بنات"، بحبكم.. وحشتونى". فريال يوسف كانت أول من يعلق على رسائل ريم البارودي قائلة: احلى كلام طالع من اجدع و احلى بنت قابلتها في السنين اللي فاتت...فعلا كان احلى لوكايشن ...ذكرياته ما تتنسيش....و الحمد لله ربنا كرمنا بالنجاح عشان القلوب صافية و نقية من كل الأطراف حتى فريق العمل ...اتشرفت بالشغل معاكي و مع بقية الكاست...و يا رب يجمعنا عمل تاني مع بعض. وبعدها كتبت ايمان العاصي: مبروك عليكِ النجاح يا أمّ قلب أبيض وجميل. القاهرة_عمرو رضا 530441 530336 530326 ريم البارودي فريال يوسف علا غانم أخبار المشاهير