الراقصة سما المصرى، jترد على الهجوم الذى شنه المستشار مرتضى منصور، رئيس نادى الزمالك عليها امس، بسخرية ووصفته بـالسوابق، مؤكدة انها تمتلك سيديهات تدين منصور، ومطالبة بإجراء مناظرة بينهما على الهواء. المصرى قالت موجهة كلامها لـ مرتضى منصور، فى تصريح خاص لـالفجر الفنى: السيد الاستاذ المستشار مرتضى منصور، أتهمتنى بعدة اتهامات، قلت عليه انى كنت بعمل شغالة عن أم أحمد ، وانا اشتكتلك منها، بس السؤال مين أشتكالك أنا وله أم أحمد؟؟ وتانى حاجة قلت عليه انا ست نحس واشتغلت عند واحد صاحبك فى مصنعه وقفله وبعدها اشتغلت عند الدكتور عكاشة والقناة اتقفلت ، طيب لما انا اشتكلتك اكيد جتلك المكتب متقفلشى ليه؟؟. مضيفة سما المصرى : انت يا مرتضى، قلت انى هربت من اهلي، وهأعديهالك، ده انت يا راجل هربت من الحكومة، واذا كان عندك سيديهات ليه أو لغيرى فأنا عندى ليك موسوعات، وأسأل الشيخة سلمى النواف الكويتية، ده انت طلعت خلبوص وشقى اوى. متابعة : يا مرتضى انت قلت هتقفلى القناة، مفيش حد يقدر يقفلى القناة غير حاجة واحدة بس هية القانون وحكم محكمة، والقانون فوق راسى، انت فاكرنى سوابق زيك، وله فاكرنى بهرب واجرى واستخبى عند جوز بنتى. وواصلت: أبعد التابعين ليك عنى لآنى مبيهمنيش تهديدات أى حد واذا كنت مرتضى منصور فأنا سما المصرى، انا راجل وأرجل منك، يا سوابق، لو كنت راجل كنت طلبت مداخلتى فى البرنامج.