وجّهت المطربة الشعبيّة بوسي تحذيراً شديد اللهجة للرجال، من عواقب إقدامهم على الانفصال عن السيدات بصورة "مهينة"، مؤكدة أنّ المرأة لا تترك حقّها، وستظلّ تذكر الألم الذي تسبّب فيه الرجل، خصوصاً لو كانت تحبّه بشكل حقيقي، وقالت: "ربّنا يكفيك شرّ كيد الستات، والست لم بتحطّ راجل في دماغها مش هتسيبه أبداً، وانتقام الست صعب، وهتطلّع منه القديم والجديد، عشان كده لازم تخاف من الستات!!" بوسي كانت المدافعة عن المرأة في حلقة الأمس من برنامج "قعدة رجالة"، المخصصة لمناقشة قضية "أساليب الانفصال"، ووجّهت تحذيرات متتالية للثنائي شريف سلامة وإياد نصار، بينما التزم مكسيم خليل الصمت بدور "الجوكر" المتحضّر. بوسي أكدت أنّ "الست مهما تنفصل عن الرجل، تحب أن تكون العلاقة بينهما بعد الانفصال محترمة، يعني مش ينفع تشوفه في الشارع ومتسلمش عليه، الست بتحب تنهي العلاقة من غير مشاكل". وتعليقاً على حديث إياد نصار، بأنه لا يمكن أن يجعل امرأة تتركه إذا كان مرتبطاً بها عاطفيّاً، وإنّما هو من يقوم بتركها أولاً، قائلاً: "مرضاش على نفسي واحدة تسيبني، ده انا ممكن انتحر، انا اللي أسيبها الاول"، تساءلت بوسي : "ليه الراجل يدّي الحق لنفسه أنه ينهي العلاقة مع المرأة؟"،وأضافت: " زيّ ما الراجل ليه الحق يجرح المرأة، هي كمان ليها الحق تجرحه وتنهي العلاقة معه الأول". تابعت: "في ستات تستاهل الراجل يكون جنبها ويقف وراها، وزي ما فيه رجّالة بتحب تتسلى، في ستات بتحب برضة تتسلى، وزي ما الراجل في حاجات مش بيقبلها على نفسه، يبقى ميقبلهاش على غيره سواء راجل أو ست". أضافت: "هناك أسلوب محترم لإنهاء العلاقة، وده يرجع لتربية الراجل نفسه أو الست، إحنا مش نازلين ملائكة من السماء وكلنا بنغلط، لكن المهم الصراحة في بداية العلاقة، في رجالة مصرين أنهم يغلّطوا الست بطريقة مستمرة". ووجهت تحذيرها قائلة: "ربّنا يكفيك شر مكر وكيد الستات، والست لما بتحط راجل في دماغها مش هتسيبه أبداً، وانتقام الست صعب، وهتطلّع منه القديم والجديد، عشان كده لازم تخاف من الستات، والست لو اتجرحت من حدّ حبّته، مش هتسكت وهتحط الراجل في دماغها، وهتنهي حياته وهتقضي عليه". القاهرة_عمرو رضا549186549176549081أخبار المشاهير