كشفت الدكتورة سها عيد، خبيرة علوم الطاقة، أن وضع البوتجاز بجوار الحوض في المطبخ قد يكون أحد الأسباب الرئيسية للطلاق بين الأزواج. وقالت الدكتورة «عيد»: «أي حد بيسمعني دلوقتي، أي راجل وست عاشين في بيت وبيتخانقوا وفيه بينهم خلافات زوجية كبيرة جدًا، أقول لهم 100% الحوض لازق في البوتجاز عندكوا، أو البوتجاز لازق جنب الحوض، وده معناه إن عندي مايه ونار جنب بعض، وأي ست وراجل عايشين في البيت يعرفوا إن أحد المشاكل اللي بتوصل للطلاق هو الماية والنار». وأضافت خلال استضافتها في برنامج «8 الصبح»، المذاع على قناة dmc: «المشكلة دي بتحصل في المطابخ الصغيرة، وأنا بقول للناس اللي بتسمعني، أرجوكم، سواء الأب والأم اللي بيتخانقوا مع بعض أو مع أولادهم، بصوا على المطبخ بتاعكوا، ولازم المسافة المظبوطة لا تقل عن 40 سنتيمتر ما بين البوتجاز والحوض». وفسرت «عيد» ذلك قائلة: «مفروض عندي حلة سخنة مش معقولة أحطها على الحوض علطول لازم يون فيه مساحة رخام لما نصميم المطابخ بنراعي حاجة اسمها المثلث الذهبي، ده مهم جدًا في تقسيمات المطابخ، دي أساسيات علشان معملش تضادات كتير، فدي بتخلي البيت يتقلب، فاحنا ناخد بالنا، خاصة إن المطبخ مهم جدًا لست البيت». وأضافت: «بلاش كمان يا جماعة المطبخ الأحمر والأسود والأزرق الغامق، حتى لو موضة، لأن طاقة المكان بتبقى سلبية».8 الصبح – د/سها عيد : تواجد البوتاجاز بالقرب من الحوض يجذب المشاكل الزوجية والطلاق !!! د/سها عيد : تواجد البوتاجاز بالقرب من الحوض يجذب المشاكل الزوجية والطلاق !!! 8 الصبح من حلقة 25-4-2017 إشترك الآن: https://goo.gl/NQkcZ5 فيسبوك: https://www.facebook.com/dmctveg تويتر: https://twitter.com/dmctveg إنستاجرام: https://www.instagram.com/dmctv.eg #dmcTV #dmctveg #dmcHD