يعيش مرضى الغسيل الكلوى بمستشفى ابوقرقاص في المنيا معاناة حقيقية مع المرض وإهمال المستشفى وتجاهل المسؤولين، حيث اشتكى المرضى من عدم وجود محاليل أو أي مستلزمات طبية وعلاج، مؤكدين أنهم يشترون كل شيء على حسابهم الخاص.
وقال أحد المرضى: "إحنا بنشترى على حسابنا كل حاجة من برة المستشفى الجلوكوز والسرنجات وكل المستلزمات الطبية، والجلوكوز بقى بـ 40 جنيها وأنا بقبض معاش 294 مش مكفييني تكاتك وبقالى 8 سنين بغسل كلى، ومحدش سأل فينا إرحمونا ياناس شوية هو ده وضع برضه".
وقال آخر: "إرحمونا حرام ولا حلال اللي بيتعمل فينا، أنا بركب التوك توك بـ30 جنيه وباخد 500 جنيه من التأمينات، وبشتري كل حاجة على حسابي والأسعار بقيت 3 أضعاف ومش عارفين نعمل إيه ".