وسط حضور كبير من أصحاب السمو الأمراء كان في مقدمتهم: الأمير الشاعر عبدالرحمن بن مساعد، الأمير فهد بن خالد، الأمير الشاعر نواف بن فيصل، الأمراء: أحمد بن سلطان، سعود محمد العبدالله الفيصل، عبدالله بن سعود بن عبدالله، وكبار الشعراء ومنهم: نايف صقر، صالح الشادي، ناصر السبيعي، هلال المطيري،، وعدد من نجوم السوشيال ميديا المشاهير، وكبار والأدباء والإعلاميين والمهتمين بالثقافة والفنون، قدم الأمير الشاعر د.سعود بن عبدالله أمسية شعرية في جامعة الأميرة نورة بنت عبدالرحمن بالرياض مساء الجمعة 28/ 4/ 2017 ضمن برنامج أمسيات المملكة التي ترعاها الهيئة العامة للترفيه. وقبل دخول فارس الأمسية عرض عدد من اللقطات المصورة عن مسيرة فارس الأمسية الشعرية، وأبرز مجالات التعاون مع عدد من الفنانين، ومن ثم توجه فارس الأمسية إلى منصة الشعر وسط تصفيق حار من قبل الحضور الغفير المتعطش لقصائد سعود بن عبد الله بعد انقطاع عن الأمسيات تجاوز الثمانية أعوام. استهلت الأمسية بكلمة لسموه قال فيها: «ثلاثون عاماً مرت بفرحها وحزنها كتبتها قصيدة قصيدة انتابني بعدها شعور غريب ومتناقض لكل هذا الوقت ولكل هذا الشعر ولكن أجمل ما فيها هو تتويجكم لهذا الحضور البهي لذلك أعتبر هذه الأمسية أولى أمسياتي، أتمنى من الله أن تكون قصائدي بقدر جمال حضوركم». ومن ثم استهل سموه الأمسية بقصيدة وطنية قال فيها: من الظما يبست وجيه وشفايف فرسان ابو تركي وحوّل على نجد قلب الإمام اللي سوات النوايف يهزم جيوش وراسه لقلبه العضد خلا الرياض أعلى واعز المشارف وأسقى عروق نخيلها العز والمجد أحلى وارق من البنات العفايف واطول على العدوان من ليلة السهد إلين صارت شمس والكل شايف شمسٍ ضياها غير ما خلق له حد وسلم عياله عذبها والكلايف حكامها اللي روسهم دونها سد يا جاهل التاريخ مر العوارف وسلم على سلمان وتشوف باليد الاجرب اللي وارده صد عايف سيفٍ من التاريخ ما خلق له ند من الظما يبست وجيه وشفايف فرسان أبو تركي وحوّل على نجد ومن ثم ألقى فارس الأمسية الأمير الدكتور سعود بن عبد الله بعد أن التهب المسرح بالتصفيق هذه القصيدة: لو بالاوسع حجاج ولو بالاكثر وقار ما تحوم الطيور ولا تحرك شبر ما بها إلا بصدرك لليالي نهار أنت غير الطيور وريشتك من تبر مالك إلا الصدور من المجالس وكار ومالك إلا المهابه وأنت مابك كبر فيصلي الفعول وفيصلي الديار سيفك العدل يا اوفى مدري ياصدق وابر فك سبق الكلام اللي سبقك انتظار ما عقد حاجبين الوقت غير الصبر الرياض وعمايم فعل اهلها الكبار في عيونك تدور من يرد الخبر كانوا الحق مدري الحق منهم يغار حافظين المصاحف مدركين العبر كن بين الرداة وبينهم ألف ثار وكانوا النصر دايم والعدو انثبر يعرفون الرجال ويحفظون الجوار وكل فقرٍ سكنهم هو غنى يعتبر كانوا سيوف ما حفت على طرف نار وينهم ما لكسرك يالسنافي جبر آه يالعود ليتك لو دقيقه تغار وتسمع الحي صوت الطيب ف أية قبر جف غصن الرضا وش عاد هالاختيار الاماني كثار وكلها من حبر ووسط تصفيق حار من الجماهير الغفيرة انتقل سموه إلى القصيدة التي يقول في مطلعها: أنت تدري وش اجمل منك في عيني انت لا صرت مبسوطٍ على شاني تكرم البسمه اللي منك تكفيني كيف اناديك عمري والعمر فاني كل شيءٍ خلق بك يناديني انت غير الجميع ولك غلا ثاني قلت ابذكرك واثرك ساكنٍ فيني بين عيني وعيني ما تعداني ليه لا قلت اشوفك وانت بتجيني جاك قلبي يسابق خطوة لساني من سلامك نبت في راحة ايديني الف غصنٍ يميل من الغلا حاني قبل تسأل من اللي لك موديني أنت وديتني والشوق وداني ومن ثم ألقى سموه القصيدة الرائعة التي مطلعها: لا تقطف الورده ولا تقطع العرق خله يموت ان كان ودك لحاله ومن ثم ألقى سموه عدة قصائد منها: ودني لك، للرجال أفعال، قبل ترحل، لا هزمتي، خل قلبي، الموت الأحمر، ما للديار إلا الشهادة، ريح السلام، شف عذر، فمان الجرح، خلني، صوت الأذان، بين البرد والبرد، باب الليل، سل سيفك، يوم جيتك، على فكرة، تعوديني على غيابك، الله يجازي عيونك، الليلة سكوتك، العنا، كذبة بيضاء، واختتم بالرائعة الوطنية حنا جنود الله». مشاهدات من الأمسية: - غصت المدرجات بالحضور الكثيف المتعطش لقصائد الأمير الشاعر سعود بن عبد الله. - تألق سموه كعادته رغم انقطاعه عن الأمسيات لأكثر من ثمانية أعوام. - بدأ فارس الأمسية بقصيدتين وطنيتين ومن ثم اتجه لقصائد الغزل والوجدانيات وخصوصاً منها المغناة. - في ختام الأمسية شكر الأمير الدكتور سعود بن عبدالله هيئة الترفيه على كل ما تقدمه من جهود في سبيل خلق المناسبات الفنية والثقافية التي تثري الناس وتدخل البهجة في حياتهم - تم تكريم فارس الأمسية بدرع تذكاري من طفلين من قبل جمعية «مودة»، شكراً وعرفاناً على مبادراته الاجتماعية. - قدم سموه ريع الأمسية الشعرية وقيمة مبيعات دواوينه الشعرية لصالح جمعية مودة المتخصصة في الحد من الطلاق وآثاره.