نشر الفنان صلاح عبدالله عبر صفحته الشخصية على موقع التواصل الاجتماعي «فيسبوك»، تعليقًا يرد خلاله على تعرضه لموجه من الإنتقادات من قبل جمهوره بسبب تعليقه على جزيرتي تيران وصنافير. وجاء تعليقه على الجزيرتين قائلًا: «إحنا مش تيران ولا داقين صنافير عشان لما تقول مصرية نصدق إنك وطنى وبتحب مصر قوي وخايف عليها بعد ماعرفناك وكشفناك، وكل أقوالك وأفعالك أكدت إن نفسك ومنى عينك تخربها وتولع فيها». وعلق «عبدالله» على انتقادات الجمهور قائلا: «قبل الفطار لازم أقول لأصدقائى وحبايبى اللي زعلانين قوي إن فيه كتير بيشتمونى بسبب ما أكتبه، لو دخلتم صفحاتهم مش هتزعلوا، وفيه واحد صاحبى قال لي لو كل اللي شتموك إمبارح كانوا نزلوا الشارع كانت هتبقى الثورة التالتة في سبع سنين، قلتله دول المناضلين بالشتيمة يا صُلح وربنا يهدي الجميع وهو العالم بالنوايا وما تخفيه الصدور، ويلا تفطروا على خير وادعوا لمصر تفضل دايماً بخير، وعن نفسى مسامح كل من أساء لي، واللي يشتم مهما يشتم والله ما رادد عليه».