مرثيه/ الشاعر مهدي بن حويل  في المرحوم باذن الله والراحل / مسفر بن سعيد بن حويل الله يُغمد روحه الجنه هو صدق مسفر راح ! لا مابعد راح ! …. ماني مصدق لو غدا الجفن مفضوح الصدر فاح من الحزن والصبر باحة…. والله يلهمنا الصبر يجبر البوح عزالله ان ودي من العالم ارتاح…. لاعاد به حالً ولا عاد به روح وعزالله ان المحزم من الظهر طاح…. وعزالله ان قلبي من أعوام مجروح وعزالله ان البال ماهو بمنساح….  وعزالله ان الهرج فالصدر مذبوح هاذي هي الدنيا من احزان وافراح…. والموت ماياخذ سوئ كل طحطوح هو صدق مسفر راح ! لا مابعد راح !….  ماني مصدق نوح نوّاحة الدوح      لا والله الا راح كساب الامداح ….  الا رحل في ضيافة الله ومسموح والصبر لغلاق المعاليق مفتاح ….  الله يبيحه صدق مفسوح مفسوح علئ الرفيق بوقفته ذخر وسلاح …. عزيز نفس وشوحته فالظفر شوح بنك المراجل غير يا بنك الارباح …. صرح الكرم صرح الظفر شيمة صروح الوصل والضحكه علئ نصح وانصاح …. محدن كما مسفر مثل خفة الروح علئ العرب لطيف كلمة ومزاح ….  ويقول ذي الدنيا تفاهات ومزوح كلً ً ب يومه عند قباض الارواح …. وكل ً ً حسب تقدير ماكِتبْ فاللوح الموت راحة والشقا رحلة كفاح…. والعمر في شبك التصاريف مطروح ومن راح ،، راح لربه / بلطف وارتاح…. وانا بعد بروح والخلق بتروحمرتبط