نفى الفنان رامي صبري، سخريته من فيلم الفنان تامر حسني «تصبح على خير»، بعد اتهام البعض له بذلك، إثر تعليق كتبه أحد محبيه، عبر خلاله عن إعجابه بأغنية رامي الجديدة «الراجل» وتفوقها على فيلم «حسني»، كما أكد أنه لا يواجه أي مشكلة بعد قيام أحد الأشخاص بنشر رقمه على الإنترنت. وعلق «صبري» عبر حسابه على موقع التواصل الاجتماعي «فيس بوك» قائلًا: «البوست اللي نزل امبارح علي صفحتي اللي بيخص تامر حسني انا مسحته بنفسي عشان مبحبش حد يغلط او يقلل من نجاح حد من زمايلي وتامر اخويا وصديقي ووليد منصور منتج الفيلم اخويا وصديقي من ايام الدراسه ومن واحنا عيال فا مستحيل ابدا انزل بوست في اساءه لحد مش انا ومش اخلاقي». وتابع: «أما بالنسبة للناس اللي حاطه رقمي online فانا معنديش اي مشكلة إن الجمهور يكلمني لأني بشتغل للجمهور مش لنفسي أما بالنسبة للشتايم وقله الأدب ربنا موجود والله يهديكم، أخيرا مبروك لتامر فيلمه وإن شالله يبقى أحسن فيلم في تاريخه تامر موهوب وناجح وده شيء مش انا اللي هقولو دلوقتي ومبروك لوليد منصور ومبروك لصديقي المخرج العظيم محمد سامي».