قررت الفنانة هيدي كرم مشاركة جمهورها بفوائد تذوقتها بعد الإتجاه إلى الكتب والقراءة، ورغم إشادتها بمدارس لحقت بها والتعليم الذي تلقته على مدار سنوات حتى أنهت مرحلتها الجامعية، إلا أنها أقرّت بأنها لم تحصد المعلومات والخبرات الكافية سوى من قراءة الكتب. وقالت «كرم»: «دخلت مدرسة كويسه وجامعة كويسه واتعلمت على مدار سنين الدراسة الطويلة حساب وكيمياء وفيزياء وأحياء ولغات وتاريخ وجغرافيا وغيره وغيره من الحشو اللي مالوش نهاية، واللي مش فاكره منه تقريبا ولا حاجة والحاجة الوحيدة اللي ما علموهالناش في المدارس هي القراءة وحب القراءة». وتابعت: «لحد ما اتغيرت واتبدلت الأحوال وأصبحت في حال غير الحال ولقيت الدنيا حواليه غير الدنيا ولقيتني مش فاهمة حاجة خالص من اللي بيحصل أو ليه بيحصل، وبعد ما كنت فاكراني ناصحة وفاهمة وواعيه لقيتني مش فاهمه حاجه خالص واتاريني لا أفقه شيء في أي شيء واتاري في الدنيا دي حاجات كتير وأفكار كتير ورؤى كتير ومفاهيم كتير، فلسفة كتير أنا ما عنديش فكره عنها، واتاري الدنيا واسعه أوي وأنا من جهلي شايفاها قد خرم الإبرة». وأضافت: «اقرأ في كل حاجه وأي حاجه نفسك تقرأ فيها القراءه ساحره القراءة منقذه، القراءة مفرحه القراءة هاتغير حياتك للأحسن، وعلى فكرة فيه مليون حاجه ممكن نقرا فيها غير الروايات العالم مليان اسرار ومليان كتب بتتكلم عن الاسرار دي، اقرأ علشان تفهم نفسك، اقرأ علشان تفهم اللي حواليك، اقرأ علشان تحب نفسك، اقرأ علشان تحب اللي حوليك وتحب الدنيا، اقرأ لأن المعرفه نور».دخلت مدرسه كويسه…و جامعه كويسه… و اتعلمت علي مدار سنين الدراسه الطويله حساب و كيمياء و فيزياء و أحياء و لغات و تاريخ و جغرافيا و غيره و غيره من الحشو اللي مالوش نهايه و اللي مش فاكره منه تقريبا و لا حاجه… و الحاجه الوحيده اللي ما علموهالناش في المدارس هي القراءه و حب القراءه.. لحد ما إتغيرت و إتبدلت الاحوال.. و اصبحت في حال غير الحال.. و ليقت الدنيا حواليه غير الدنيا و لقيتني مش فاهمه حاجه خالص من اللي بيحصل او ليه بيحصل و بعد ما كنت فاكراني ناصحه و فاهمه و واعيه لقيتني مش فاهمه حاجه خالص و اتاريني لا افقه شيء في شيء .. و اتاري في الدنيا دي حاجات كتيييييير و افكار كتيييير و رؤى كتيييييير و مفاهيم كتييييير فلسفه كتيييييير انا ما عنديش فكره عنها… و اتاري الدنيا واسعه اوي و انا من جاهلي شايفاها قد خرم الإبره… لغاية ما اكتشفت الاكتشاف الاعظم في حياتي.. اكتشفت القراءه.. اللي بجد غيرت حياتي و منظوري لكل و اي حاجه حواليه…علمتني و غيرتني و قوتني و فهمتني و اسعدتني …و ماحدش يقولي انا مش بحب القراءه.. اراهنك انك ما جربتش علشان تعرف… انا كمان كنت فاكره كده.. و لقتني بعشقها.. و ما حدش يقولي انا ماتعودتش عليها من صغري.. لان القراءه عاده ممكن تكتسبها في اي عمر او مرحله من حياتك… اقرأ في كل حاجه و اي حاجه نفسك تقرا فيها… القراءه ساحره.. القراءه منقذه… القراءه مفرحه… القرءه هاتغير حياتك للاحسن… و علي فكره فيه مليون حاجه ممكن نقرا فيها غير الروايات.. العالم مليان اسرار… و مليان كتب بتتكلم عن الاسرار دي… اقرا علشان تفهم نفسك اقرا علشان تفهم اللي حواليك.. اقرا علشان تحب نفسك… اقرا علشان تحب اللي حوليك و تحب الدنيا.. اقرا لان المعرفه نور …! 4,171 Likes, 66 Comments – @heidykaram on Instagram: “دخلت مدرسه كويسه…و جامعه كويسه… و اتعلمت علي مدار سنين الدراسه الطويله حساب و كيمياء و فيزياء و…”