نشر الفنان محمد رمضان على صفحته الشخصية على موقع التواصل الاجتماعي «فيسبوك»، مشاهد من مسلسل «ابن حلال»، والذي حلّ خلاله بدور رجل يدعى حبيشة، ورغب «رمضان» في إيضاح سبب تقبيله الصليب. وقال «رمضان»: «ليه الصليب بوسته في المشهد ده؟! أخويا في الرضاعة مسيحي اسمه روماني جرجس، لما كان عمري سنة أمي تعبت واتحجزت في المستشفى أسبوع واللي رضعتني الأسبوع ده أم روماني، والشارع اللي كنت ساكن فيه كان تقريباً أربع بيوت بس للمسلمين والباقي مسيحيين، أفراحهم كنا بنحضرها في الكنيسة وكانوا بيحضروا كتب الكتاب في قاعة المناسبات في المسجد، كان أكلنا واحد وأحلامنا وأحزانا واحدة (وثقة في الله هنفضل كده)». وتابع: «ويمكن علشان كده في المشهد ده اتفاجئت إني بابوس الصليب بدون أي إتفاق مسبق مع المخرج بتلقائية وعفوية، وذلك لأني اتعودت وتربيت على أن أحترم ما يحترمه إخوتنا المسيحيون (الدين لله والوطن للمسلمين والمسيحيين معاً)».