نشرت اسما منير، ابنة الفنان شريف منير، على صفحتها الشخصية على موقع التواصل الاجتماعي «فيسبوك»، تعليقًا تسرد خلاله تفاصيل علاقتها وخطيبها الفنان الشاب محمود حجازي، وتسلط الضوء على الطريقة التي تشاركه بها العمل على أدواره الفنية. وقالت «منير»: «أنا ومحمود دايماً لما بيجيله دور جديد لازم نقعد ونحضرله مع بعض، يقرأ الورق ويحكيلي وأنا وهو نقعد نتخيل الشخصية مع بعض، وشكله ولبسه وكل تفاصيله، دول شوية looks من اللي اشتغلت عليهم ليه». وتابعت: «بحب أوي لما بيجيلي بدور جديد وريحة السيناريو وهو لسه مطبوع وجديد كده وحكاياته عن الدور بعد ما بيقرأه، ويحكيلي كده ويقولي في السيناريو عشان يعمل تفاصيل الشخصية، بجد بيتعب وبيجتهد في كل كلمة بيقرأها». استكملت: «أنا ببقى في منتهى السعادة إني ببني معاه تاريخه إن شاء الله من نجاح لنجاح، تستاهل عشان انت بجد مجتهد وأنا بتطحن معاك هههه.. لا والله انت فعلاً تستاهل». وسبقها «حجازي» بتعليقه عبر «فيسبوك»: «لما يبقي في حد بيشارك حياتك وشايل كل همك في أكلك ولبسك وبيفكر معاك بكل حب حتى في شغلك.. ربنا يخليكي ليا».