دائمًا ما تثير الفنانة سما المصري الجدل بما تنشره عبر حسابها الشخصي بموقع «انستجرام»، وصفحتها الرسمية بـ«فيس بوك»، والتي يعتبرها بعض المتابعين لها خروجًا عن النص، لكنها تطرقت في الآونة الأخيرة إلى الهجوم على بعض النجوم والإعلاميين، إلى حد الشماتة فيهم. استغلت «سما» وقوع بعض النجمات في أزمات، أو تعرضهن لموجة من الانتقادات اللاذعة، لتهاجمهن هي كذلك بشكل لاذع، وهو ما تكرر بشكل ملحوظ في الشهور الأخيرة، مثلما حدث للفنانة غادو عبدالرازق، وأخيرًا شيرين عبدالوهاب. يستعرض «المصري لايت»، في التقرير التالي، 5 شخصيات شمتت فيها سما المصري. 5. ريهام سعيدسما المصرى Sama Elmasry مبروووك قفل برنامج ريهام سعيد القذر 😂 بس القفل لوحده مش كفايه لازم محاكمه ولازم صورها تطلع مش كده و لا ايه 😂😂 احنا نبعت الصور و نخلي سميه تنشرها ونبقى خالصين مين عايز الصور 😁 في عام 2015 تعرضت الإعلامية ريهام سعيد للإيقاف، بسبب ما بدر منها في حلقة برنامج «صبايا الخير» الخاصة باستضافة سمية عبيد، المعروفة إعلاميًا بـ«فتاة المول». وقتها شمتت سما المصري فيما حدث لـ«ريهام»، وعلقت: «خلي العفاريت ينفعوكي بقى أهي الناس قلبت عليكي مش ممكن تطلعي بنات وستات مصر، ملبوسين أو عندهم جن، أو في بيوت دعارة، أو ملحدين، أو لهم صور إباحية». كما أعربت عن سعادتها في منشور عبر صفحتها بـ«فيس بوك»: «مبروك قفل برنامج ريهام سعيد»، مطالبةً كذلك بمحاكمتها. 4. غادة عبدالرازقسما المصرى Sama Elmasry إلى Ghada Abdel Razek غادة عبدالرازق , وانتى رايحة كنا احنا راجعين 😂😂😂 تعرضت الفنانة غادة عبدالرازق لانتقادات لاذعة في أول يوليو الماضي، عقب أن بثت مقطع فيديو خارج، عبر حسابها الشخصي بـ«انستجرام»، أمر أثار ضجة واسعة على مواقع التواصل الاجتماعي، لكن «سما» لم تفوت الفرصة. فور انتشار الفيديو كتبت «سما»، عبر صفحتها الرسمية بـ«فيس بوك»، موجهةً حديثها إلى «غادة»: «وإنتي رايحة كنا إحنا راجعين»، قبل أن تبث مقطع مباشر لنفسها عبر «انستجرام»، فيه عمدت إلى تقليدها. 3. نيللي كريمبالنسبه لنيللي ((حريه شخصيه)) بالنسبه لسما المصري((قله ادب وسفاله))…….طبعا لو سما المصري هي اللي كانت لابسه المايوه ده و منزله صوره ذي دي كان زمان اتعمل عليا حفله دلوقتي واتمسك لها طبله ورق واشتغلت المواقع تقطيع في اللي جابوني من صحفيين ولاد حلال ومواقع ع النت وصفحات من اياها…طب ماهو الفنانات اللي بيسبقوني في السن وفي الفن بيلبسوا مايوهات عادي اهو اشمعن اااااني؟؟؟…..لكن نيللي نجمه برضو…انا عارفه اني بنت البطه السوده وكمان في فرق سرعات برضو ياسيدي…..امممم….اه لو لعبت يازهر….بحبك يانيللي….علي فكره الصوره علي صفحتها انا مش سارقاها…انا مش حراميه…انا مغنيه…هههه…بس بصراحه قمر يانيللي ولا يبان عليكي السن والمايوه يجنن عليكي…ربنا يحميكي والله وتمتعينا بالمايوهات الحلوه دي …هانزل اشتري مايوه ذيه بالظبط ولا عزاء للمنفسنييين 9,734 Likes, 356 Comments – سما المصري (@samaelmasrii) on Instagram: “بالنسبه لنيللي ((حريه شخصيه)) بالنسبه لسما المصري((قله ادب وسفاله))…….طبعا لو سما المصري هي…” واجهت الفنانة نيللي كريم انتقادات لاذعة في أغسطس الماضي، عقب أن نشرت صورتها، عبر موقع «انستجرام»، وهي مرتدية المايوه، لتعيد «سما» نشر الصورة على حسابها وتعلق: «بالنسبة لنيللي حرية شخصية، بالنسبة لسما المصري قلة أدب وسفالة، طبعًا لو سما المصري هي اللي كانت لابسة المايوه ده ومنزلة صورة زي دي كان زمان اتعمل عليا حفلة». وجهت «سما» حديثها إلى «نيللي» قائلةً: «بصراحة قمر يا نيللي، ولا يبان عليكي السن والمايوه يجنن عليكي، ربنا يحميكي والله وتمتعينا بالمايوهات الحلوة دي». 2. ياسمين الخطيبمين دي ياجدعان؟؟انا لقيت كل اللي ع النت عمالين يسفوا عليها مع ان شكلها حلوه بس دمها يلطش…ودا اكيد فوتوشوب مش جسمها يعني والا تبقي وحش الوحوش……بيقولوا عليها عطيات بتاعت محمد صبحي…..اول مره اشوفها والله….مين البطل دا باه؟؟تقفيل مصري مصري مفيش كلام 7,209 Likes, 217 Comments – سما المصري (@samaelmasrii) on Instagram: “مين دي ياجدعان؟؟انا لقيت كل اللي ع النت عمالين يسفوا عليها مع ان شكلها حلوه بس دمها يلطش…ودا اكيد…” في الأسبوع الماضي أثارت الكاتبة ياسمين الخطيب جدلاً واسعًا، بعد أن ظهرت في جلسة تصوير جديدة ارتدت فيها فستانًا أحمر اللون، لتسخر منها «سما» وتشبهها بشخصية «عطيات» التي جسدها الفنان محمد صبحي في مسرحية «الجوكر». وقالت «سما» عبر حسابها بـ«انستجرام»: «مين دي ياجدعان؟ أنا لقيت كل اللي على النت عمالين يسفوا عليها، مع إن شكلها حلوة بس دمها يلطش، ودا أكيد فوتوشوب». 1. شيرين عبدالوهابان كنتوا نسيتوا اللي جري….الله يرحم ايام الكحرته…. الاخت الفنانه شيرين في واحده في حفله طلبت منها اغنيه((ماشربتش من نيلها)) فردت عليها وقالت لها((هيجيلك بهارسيا)) اشربي مياه((ايفيان احسن)) ودا نوع مياه معدنيه اجني والكلام دا موجود في فيديو مش من عندي.دي صوره الاخت الفنانه شيرين ايام ماكان عندها بهارسيا ايام ماكانت بتشرب من ميه النيل قبل ماتتعلم انجليزي وتعرف تقول اسم الميه المعدنيه بالانجليزي……اللهم يرحم كنتي زمان فاكره الليبتون دا رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟؟…….بصي انا مش هقولك مصر اللي عملتك ولا مصر اللي نضفتك ذي ناس كتير ماهتقولك كده لا سمح الله لا انا هقولك ميه البلهارسيا دي بتاعت مصر…عارفه يعني ايه مصر ولا مش عارفه ؟؟هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانه ونجمه وانتي طايحه في خلق الله مره عمرو دياب ومره شريف مدكور وصوتي لعساف ضد احمد جمال ابن بلدك…بصي يابنتي انا عارفه انك بتحبي لبنان عشان ماعندهمش بلهارسيا زينا ريحنا منك ومن طوله لسانك علي الناس وعلي مصر اللي بقي يقل ادبه حتي علي مصر اللي ربتك انتي وعيلتك كلها وروحي عيشي في لبنان والله هنكسر وراكي زير…..بلد البلهارسيا ماتنفعش تعيش فيها واحده ذيك بتاعت ميه معدنيه وفساتين براندات وبارفانات وحاجات سيبي دا للغلابه…….فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه….ايوه هي الميه الصفرا دي هي دي للي كنتي بتشربيها اللي كلها املاح دي……دي فعلا اللي تليق ليكي….ياتروحي لبنان …ياترجعي تشربي الميه الصفراء المملحه ….ياتعتذري لمصر…مصر اللي عملت منك فنانه وتعتذري للمصريين كلهم….ملعون ابو الشهره ياشيخه اللي نستك اصلك واهلك وبلدك….يلعن ابو الاحداس…..دا انتي مفيش دم ولا احساس ولا اي حاجه…..مصر بتمسي عليكي بصورتك القديمه دي وبتقولك اوعي تنسي نفسك لانك لو نسيتي المصريين مابينسوش يابتاعت الميه المعدنيه….سبحان العاطي الوهاب بعد الشبشب والقبقاب يابنت عبد الوهاب………….غوري باه لو مش عاجبك البلهارسيا عشان انتي ماتستحقيش تقعدي ف مصر…طبعا الحبيبه هيقولوا لي بصي للبسك الاول…ايوه ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل…ليل اسود ياشيخه عليكي لما تتريقي علي بلدك…اخسسسسس ع الفلوس اللي بتغير النفوس. 1,559 Likes, 104 Comments – سما المصري (@samaelmasrii) on Instagram: “ان كنتوا نسيتوا اللي جري….الله يرحم ايام الكحرته…. الاخت الفنانه شيرين في واحده في حفله طلبت…” خلال إحيائها حفل بلبنان منذ يومين، سخرت الفنانة شيرين عبدالوهاب من إحدى المعجبات، عقب مطالبتها بغناء «ما شربتش من نيلها»، لترد عليها: «هيجليك بلهارسيا»، وهو ما أثار حفيظة الجمهور ضدها، بمن فيهم «سما» التي قالت بحقها: «الله يرحم أيام الكحرتة». بالأمس قررت نقابة المهن الموسيقية وقف «شيرين» وإحالتها للتحقيق لما بدر منها، لتسارع «سما» بنشر صورة القرار عبر «انستجرام»، وتعرب عن شماتتها بشكل واضح: «قرار إيقاف شيرين عبدالوهاب في نقابة الموسيقيين، أنا ماليش دعوة هم اللي قالوا لي، برضو أنا بتاعة الكلام دا أنا كنت طول عمري جامده.. نيهااااا.. بصراحة شمتانة عشان مصر أخدت حقها».قرار ايقاف شيرين عبد الوهاب في نقابه الموسيقيين……انا مليش دعوه هم اللي قالوا لي…..برضو انا بتاعت الكلام دا انا كنت طول عمري جامده….نيهااااا…بصراحه شمتانه عشان مصر اخدت حقها…اخيرا لقينا حد في البلد دي يجيب حقها…اومال سلم ع الشهدا اللي معاك وماشربتش من نيلها والاخر بتتريقوا علي اغانيا ضد الاخوان وتظنون انكم تدخلون الجنه يااخي….ولا بلاش الرقابه…هههههه 1,261 Likes, 43 Comments – سما المصري (@samaelmasrii) on Instagram: “قرار ايقاف شيرين عبد الوهاب في نقابه الموسيقيين……انا مليش دعوه هم اللي قالوا لي…..برضو انا…”