2017/12/28 عشنا في العدد الماضي نشوة الشعر في مشاعر الشعراء تجاه ذكرى البيعة ولاء ووفاء وقدرة فائقة على تجسيد المعنى وهنا ننشر الجزء الثاني.. مافيه جحرٍ مانقزّنا جرابيعه والعز ذعذع هواه ورفرف شراعه مانترك المفسد ينفذ مشاريعه وان دندن الحرب للأرواح بيّاعه شعر: دسمان بن مناحي العهْد والوعد ماننساه ونبيعه دون الملك والوطن والحد منّاعه ونبايع ابو فهد بالحق ونطيعه وسيوفنا ع العدا والشرّ برّاعه شعر: محمد بن عراد كل القبايل تجي له حب ومطيعه الحاكم اللي شرى شعبه ولا باعه ذكرى تجدد وله فاعناقنا بيعه لحمة وطن كلنا والخصم باوجاعه شعر: سليّم السواط يأمر علينا ولي الامر ونطيعه ونفوسنا في سبيل الله مطواعه ابنا الوطن كلهم سنه معا شيعه يبايعون الملك وانفسهم اوداعه شعر: مهدي بن مسفر الحبابي الحاكم العادل انبايعه ونطيعه دون الوطن كلنا للروح بياعه نمشي تحت دبرته و امره وتوقيعه جحافل منها العدوان مرتاعه شعر: فهد النايف يوم يتجدد وشاقتني مطاليعه والعود الأزرق شذاه يفوح ذعذاعه فذكرى لبيعة ملك من حبه نطيعه ونفوسنا لادعا ماهيب جزاعه شعر: بندر العقيلي الخالدي سلمان يأمر بحزم وعزم ونطيعه هذا ملكنا ولا احدٍ يلوي ذراعه ياقف مع كل مخلص في مشاريعه والمفسد ايكف يده او ينفض اشراعه شعر: عايض نايف الغامدي ما كنّنا الا العَصَب في كفّه يطيعه وأرواحنا نسُوقها ليا اشّر إصباعه والله يحمي الوطن ويعزّ تشريعه ويذل راس العدو ويخيّب اطماعه شعر: سعد المشاوي يامر وحنا على ما يطلب نطيعه حنا جنود الملك والدار وسباعه عهدن وفي رقابنا لا يمكن نبيعه واللي يخون العهد نقطع له ذراعه شعر: سعد الشقحاء السبيعي انجدد البيعه لسلمان ونطيعه الحب بقلوبنا مزروعٍ از راعه رهن الاشاره وتحت امره وتوقيعه نفدا الوطن والملك والدين واتباعه شعر: دحيم الخياري الرشيدي سلمان مجد الوطن عدله وتشريعه امحارب الفسد عز الشعب وذراعه وولي عهده بعيداتٍ مراميعه رؤيا وتأسيس مجدٍ بان مرباعه شعر: محمد بن دخيل بن طواله أمر الملك ينفذ ونغليه ونطيعة حنا جنوده وحنا الموت وابقاعه حنا دروع الوطن سنه مع شيعه ومن ينوي بسوء صلحنا له اوضاعه شعر: ساعد الشلوي الحارثي حنا مع بو فهد نفداه ونطيعه بالحزم والعزم عز الدين واتباعه الشعب كله ولاء من سنه وشيعه حد الوطن نحتميه ونشبع سباعه شعر: عقيلان القرني منا الولا للملك سلمان ونطيعه في كل ميدان ما نخلف وبالساعه لامن دعانا وتحت امره وتوقيعه وولي عهده محمد وافيٍ باعه شعر: محمد بن لقفص العمري ننفذ امره بشرع الله ونطيعه يستاهل القايد اللي وافيٍ باعه اللي حكمها بحكم الحق تشريعه وسنة المصطفى المختار واتباعه شعر: حامد أبو ستة المالكي نعم نعم للملك يامرنا ونطيعه نرفع علمنا . سما ، عن كل طماعه نستودع الله وطنا ولا نبيعه حنا لسلمان حزم وعزم و ذراعه شعر: هادي الجنفاوي اليا ومر سيدي لبيه ونطيعه واملوكنا بالوفا والحب طلاعه امجددين الغلى ونجدد البيعه مع كل صبحٍ جديد نجدد الطاعه شعر: يوسف الوكيل ونترجم العهد بالافعال ونذيعه دايم قلوب الوفا ما تعرف الراعه والله لو هادم اللذات في ريعه نرقاه او في البحر ننصاه شراعه شعر: عقيد أحمد يحيى الفيفي عطا حقوق المواطن سنه وشيعه رجل العداله ورجل الطيب بنواعه سلمان كل العرب شوره له مطيعه من طيب شوره له الاشوار تباعه شعر: زيد بن فلاح الهاجري ذا ولي أمرنا سلمان ونطيعه يهب شعبه لو أشر بس باصباعه على الوفا والولاء والعهد والبيعة راسي فدا للملك والدين واتباعه شعر: عبد الله بن هادي الأكلبي نحب نستقبله ونخاف توديعه ندعي دعاء المرتجي في لحظة وداعه قلب المواطن أصيل وصعب تجميعه الا اذا غاب قمنا نجمع أوجاعه شعر: فهد ضيف الله الحربي للدين والشعب والموطن مرابيعه نفداه بالروح والغالي عن أطماعه ونبايع القائد الضرغام ونطيعه الحاكم اللي سعى للخير واسناعه شعر: سعود بن عجران السبيعي حنا نحب الملك سلمان ونطيعه ونبايعه بالولا والسمع والطاعه ونقدّم العمر دون الدار ونبيعه بيعه شجاع على اول سايم باعه شعر: ظافر الحمري وحنا حمات الوطن حنا مداريعه من فعلنا خاب حزب ايران واتباعه و من الولا للملك نفداه ونطيعه بيعة ولاء عندنا بالقلب ووداعه شعر: جهيم الذيابي ننقل له الحب والتقدير.. ونذيعه مليكنا اللي بوسط القلب مرباعه أبو فهد كل ابونا رهن اصابيعه خذا الغلا والولا.. من الشعب ب اجماعه شعر: الحميدي الشمري والحاكم اللي روينا من ينابيعه حنا جنوده نهار الضيق وسباعه نبايعه باسم كل الشعب ونطيعه بيعة ولا طبعها ياخذ من اطباعه شعر: تركي السواط الشعب يفدي بروحه سنّه وشيعه يذود دون الوطن ماخانه وباعه وليا ومرنا ملكنا واجب نطيعه انفوسنا ل أمره المرسوم خضّاعه شعر: عنّام القريني لزم علينا ملكنا امره نطيعه وشعبه حماة الوطن لاجاه طماعه قاد المسيره بحكم الله وتشريعه بحزمه وعزمه وطنا عدل اوضاعه شعر: حمد المغامس/ الوردي يأمر ملكنا على الارواح ونطيعه هذا قرار براي الشعب واجماعه حتى عدو الوطن تفشل مشاريعه من دون حده لغالي الروح بياعه شعر: جميل رشيد الزلامي يامر ملكنا المفدى وامره نطيعه حتى ندمّر عدو الدين واتباعه قولوا لمن ينوي الآمن بترويعه اسيوف سلمان فالميدان قطّاعه شعر: فواز العزيزي