كتبت الشاعرة عبير يسري قصيدة جديدة بعنوان مسلم ومسيحي وجاء فيها:تاني بتعيد الكره مسلم مرة ومسيحي مرة عيدها مليون مرة تلاقينا أقوى وثابتين. واقف على زنادك دايس في وش جوامع وكنايس مين قالك إنك على دين. بكام كلمه خدعوك أسيادك ملوا جيبك من قبل دماغك مبروك عليك القرشين. وبقيت عبد لأوامرهم من غير ماتفكر تضرب وتقول حاضر وآميين. لو فاكر إنك تهزمنا أو إنك تقدر تقسمنا موهوم يا نسل الشياطين . مسلم ومسيحي إيد واحدة مكتوب في كل بطايقنا إن إحنا مصريين. واسأل أسيادك عنا هتعرف مين هما ولاد البلد الجامدين. في أكتر من كده وحدة إمام المسجد بينادي احموا الكنيسة يا مسلمين. مسلم ومسيحي إيد واحدة مكتوب في كل بطايقنا إن إحنا مصريين.