وجه أبناء بلقاس من طلاب جامعة المنصورة استغاثة للدكتور أحمد شعراوى محافظ الدقهلية لإنقاذهم من سائقى السرفيس، حيث يتسببون فى تأخيرهم عن الامتحانات مما يهدد مستقبلهم.قال أحمد إبراهيم طالب بكلية التجارة: "كل شوية نتبهدل واحنا رايحين الجامعه ننزل اول كوبري الجامعه بسبب أن السواقين خايفين يعدوا لأن بتتحسب عليهم مخالفة وعلي ما بنركب مواصله تانيه من المكان دا فيها نص ساعه علشان نقدر نوصل للجامعة دا غير البهدله واستغلال اي سواق يوافق يعدينا لنهاية الكوبري ونرجع ناخد مواصلة تانية".أما ندى محمد طالبة بحقوق المنصورة فتشكو من ذلك حيث تأخرت أكثر من مرة مما جعلها لا تجيب جيدا بسبب الوقت حيث قالت "المرور فين من ده لازم يبقى فيه حل كده حرام والله يوفروا لينا وسائل مواصلات تانية تاخدنا من عند الكوبري احنا مئات الطلاب غير الموظفين كام اللى من البلد".فيما قالت ماجدة محمد طالبة بكلية الصيدلة "احنا مش قرية صغيرة ولا عددنا قليل احنا مدينة كبيرة ومن أكبر الكتل التصويتية فى الانتخابات فين النواب من ده مش بيدخلوا ليه ياريت يلحقونا الامتحانات بدأت".