أكد الممثل محمد ثروت أن الفنان الكبير عادل إمام هو من طلبه بالاسم للمشاركة فى مسلسل "مأمون وشركاه".وأضاف مع الإذاعية فاطمة مصطفى، فى برنامج "الراديو بيضحك"، المذاع عبر الراديو 9090: "أول مشهد لى فى المسلسل كان قدام الزعيم، وهو بالنسبة لى اعلى " ليفل "، وأى ممثل بيتمنى التمثيل قدامه، وقلت أنا هامثل واتبسط علشان الفرصة دى مش هاتتكرر تانى".وتابع: "ان الزعيم من خبرته الطويلة بيعرف اللى قدامه ده بيعرف يمثل ولا لأ، ومن تانى يوم بقى فيه جلسات عمل فى أوضته قبل تصوير أى مشهد، وهو على المستوى الإنسانى جميل جدا، ولما بيلاقى حد شاطر بيساعده".جدير بالذكر أن فاطمة مصطفى تقدم برنامجها "الراديو بيضحك" الاربعاء والخميس، من كل اسبوع من 9 الى 11 مساء .