كشفت الفنانة الشابة ياسمين على، إنها تعرض لموقف محرج فى أحد الحفلات التى كانت تغنى بها، وقالت: « أنا كنت فى حفلة والناس كانت مشغولة وبتتكلم ومش بتتابع اللى بيغنى ولما الدور جه عليا أنا فضلت ساكته ومش بغنى والفرقة الموسيقية كانت شغالة وتعيد وأنا مش عايزة أغنى» .وأضاف ياسمين خلال حوارها ببرنامج «معكم منى الشاذلي» المذاع على قناة "سي بي سي"، تقديم الإعلامية منى الشاذلى،  أن الحفلة كان بها الفنان الراحل محمود عبد العزيز، ولاحظ هذا الموقف، و قام بالصعود على مسرح الغناء وطلب مني أن أغني، وقولت له: « الناس مشغولة، ومش بتتابع اللى بيغني» .وأكدت أنه وجه لها نصيحة وقال ليها: « غمضى عينك وغنى ، ولو فى واحد بس اللى بيسمع لك غنى ، واعتبرى ان الواحد ده كل الناس ، وانتى هتنجحى » .