نشر الفنان شريف منير تعليقا عبر صفحته على موقع التواصل الاجتماعى فيسبوك مهاجما الإخوانى الهارب معتز مطر المذيع بقناة الشرق الإخوانية، بسبب محاولاته لتشويه العمليات العسكرية فى شمال سيناء. وقال شريف منير : "معتز مطر مش عاجبه إنى فرحان بالعمليات العسكرية اللى بيقوم بيها أولادنا وأخواتنا فى سينا.. طب بالذمة اللى إنتوا بتشوفوه وبتسمعوه فى البيان ده يفرح ولا لأ ؟؟ والحاجة التانية طبعا كلنا عارفين إن معتز مطر بيشتغل فى قناة الشرق.. بيوجه لى رسالة إنى لو شجاع وأملك الجرأة أتناقش معاه فيما يحدث من الجيش المصرى على أرض سينا، وانا بقوله طب ماتورينا الشجاعة إنت وحبايبك وتيجوا تتناقشوا هنا على أرض مصر، مش فى التليفونات وعلى الشاشات التركية".واضاف شريف : "للأسف إنتوا محرومين من إحساس السعادة بانتصار جيشنا إللى هيتحقق كاملًا عن قريب بإذن الله، على أعداء الوطن وأعداء الدين.. لأن مفيش دين يرضى باللى بيعملوه الدواعش ومن هم على شاكلتهم.. من دبح وحرق وتعذيب وتدمير. .ولما تعرض مكالمة تليفونية.. إبقى إعرضها عَلى بعضها.. مش ولاتقربوا الصلاة ونسكت، خليك أمين وأنت بتعرض شغلك يا معتز".