فى مجتمعنا العربى حاليا محدش يقدر انتشار ظاهرة الـ (Single mother) وهى انفصال المرأة بعد شهور أو سنوات من زواجها والمعيشة بمفردها مع أطفالها، وبتوصل الزوجة للحال ده مع انه وضع صعب وقاس عليها وبسببه هتعيش فى حالة حرب مع مجتمع لسه بعض الأفكار الغريبة بشأن المرأة المطلقة مسيطرة عليها نتيجة الضغوط الكبيرة الواقعة عليها من زوجها ومنها:الخيانة المستمرةيعتمد الرجال فى المجتمع العربى على العادات والتقاليد التى تمسح لهم بمعرفة أكثر من أمرأة وعدم محاسبتهم عليها.. وهتلاقى الرجل يبرر لنفسه خيانته لزوجته بكذا حجة ومنها عدم اهتمامها بنفسها فى منزلها أو صوتها العالى فى بعض الاوقات ولو بحثنا فى الموضوع هنلاقى ان الرجل هو السبب فى كل السلبيات التى طرأت على شخصية زوجته لأن الرجل هو القائد وهو المسئول الاول والأخير عن بيته .. وهو اللى وصلها لكده.اصطياد الأخطاءفى الغالب علشان خيانة الرجل المستمرة لزوجته هتلاقيه بيتصيد لها الأخطاء علشان يبتعد عن مرمى نيرانها وتفكر فى مشاكلها واخطائها الكتير اللى بتحاول تصلحهم.. وفى النهاية هتلاقى الست بتكره نفسها وبتكره زوجها لأن الإنسان عموما بيحب التقدير مش اصطياد الأخطاء بصورة مستمرة.الاعتماد المادي على المرأةدى بقى من أهم المشكلات الجديدة فى عالمنا العربى الفترة الماضية وهى اعتماد الرجل ماديا على زوجته لو بتشتغل او عندها بيزنس خاص.. زماااان كان الرجل استحالة ياخد فلوس من ست بالعكس ده كان بيزودها لآنه اباؤه واجداده ربوه على كدة لكن دلوقتى بقى عادى ان الرجل يطلب فلوس من زوجته وممكن كمان يفتح شنطتها الخاصة وياخد منها وكأن الحال اتقلب.. وأصبح الرجل يلعب دور الأنثى زمان اللى كانت بتاخد فلوس زوجها من غير ما يعرف.. المشكلة بقى ان الرجل بيفقد مقومات الرجولة فى عين زوجته لما بيكون (بالبجاحة) وتبتدى الزوجة تعلى صوتها عليه لأن الفروق بينهم تلاشت .. وشوية وتلاقى المشاكل ابتدت تظهر اكتر واكتر بينهم وفى النهاية الانفصال.فقدان العاطفة بعد الزواجقبل الزواج عموما بتلاقى كل طرف بيحاول ارضاء الطرف الاخر بكل الطرق وبيحاول يعمل كل الحاجات اللى تسعده.. فبتلاقى البنت قلبها على خطيبها وبتحاول إسعاده بكل الطرق والشاب تلاقيه بيهتم بخطيبته وبعاطفتها وبالتعبير عن المشاعر الجميلة طول الوقت.. لكن بعد الزواج بتلاقى الموضوع ده بيقل وشوية وتلاقى صمت تام .. وتيجى الزوجة تطلب من زوجها اظهار عواطفه وحبه لها فيقول لها..( احنا خلاص كبرنا بقى على الحاجات دى )..او ( ايه التفاهة اللى فيكى دى ) .. وهو مش عارف طبعا انه بيدمرها نفسيا انا عارف كل حاجة!!!الرجل فى مجتمعنا العربى فاهم لك حاجة وعارف كل حاجة وبيعتبر نفسه محمد صلاح فى الكورة.. واينشاتين فى الفيزياء.. وارسطو فى الفلسفة .. طبعا كل ده نتيجة تربية خاطئة فى الصغر مانعة من التعلم فى الكبر.. وانك خلاص طالما كبرت فيبقى مش هتتعلم اى حاجة تانى.. وده ضد الطبيعة الإنسانية ان الإنسان بيعيش يتعلم لغاية لما يموت.. وبقول الكلام ده لأن رجال كتير فى المجتمع العربى مش حابين يتعلموا ازاى يسعدوا زوجاتهم او يعرفوا طباعهم.. ودى موجودة فى كتب كتير على الانترنت او فى كورسات او فى جلسات نفسية بسيطة بيها الحياة بتكون ابسط واسهل بين الزوجين لأن كل واحد فيهم بيعرف شخصية التانى والحاجات اللى بيحبها وبيكرهها.يمكن دى من اهم اسباب انتشار ظاهرة الـ (Single mother) الان.. وأكيد فى اسباب تانية خاصة بأخطاء المرأة ودى هتكلم عنها فى مقالات أخرى بإذن الله.