رغم ملامح الفقر التى اكتسى بها وجهه، إلا أن الطيبة بدت واضحة على وجنتيه، فالرجل الذى يبلغ من العمر ٧٢ سنة، لا يزال يعافر لمواجهة تحديات الزمن، الذى رسم خيوطه على جبهته. عم «بدر» هكذا يناديه كل من يعرفه، يعمل عامل نظافة بعدما خرج على المعاش، من الساعة الـ٧ صباحا وينتهى عمله الساعة ٥ مساء، ولكنه ما زال يناضل بما تبقى من صحته لتوفير قوت أبنائه.يحكى الرجل السبعينى قائلًا: «كل يوم بسافر من القليوبية إلى القاهرة عشان لقمة عيشى وربنا بيرزقنى برزق أولادى، واليومية تتراوح بين ٢٥ و٣٠ جنيها، وأنا الحمد لله راضى ومبسوط، هعمل إيه دا رزق أولادى وأحفادى، وأنا طالع على المعاش، واللى بيطلع من شغلتى جنب المعاش أهو نواية تسند الزير، وعندى سبعة أولاد، منهم ٣ متجوزين والباقى لسه، ومنهم ٢ فى مرحلة التعليم».وتابع: «كل أمنيتى فى الحياة معاش كريم أقدر أعيش بيه أنا وكوم اللحم اللى فى رقبتى، علشان أرتاح».