علق المخرج مجدي الهواري عبر حسابه الشخصي عبر انستجرام، على حالة الجدل المثارة حول زواج الفنانة شيري عادل والداعية الإسلامي والمنتج معز مسعود، مستنكرًا هذا الكم من الجدل. وعلق الهواري قائلًا: "ياجماعة ليه الهري في موضوع جواز #معز_مسعود و #شيري_عادل"، مشيرًا إلى أنهم تزوجوا ولم يرتكبوا إثمًا، فقال: "دول اتجوزوا على سنة الله ورسوله يعني مأذون وشهود ومهر وشبكة .. عيب بقي". واستكمل مجدي الهواري قائلًا: "وبعدين إحنا ليه بنشوف نص الكوب.. مش يمكن قصة حب، ولا هو علشان بيقول قال الله وقال الرسول مش من حقه يحب.. ولا هي علشان ممثلة تبقي حرام تتجوز!!!". واستطرد مجدي الهواري قائلًا: "أنا شخصيا بتابعه وشايف انه راجل متوازن جدًا وغير مدعي زي غيره ، وكل تصرفاته في النور ، كان ممكن يتجوزها في السر علي فكرة زي كتير منهم وعادي ،، كونهم أعلنوا في حد ذاته هو احترام لينا و للرأي العام .. انا بتكلم دفاعًا عنهم بنيابة عن اهلهم اللي مش حلو يقروا اللي بيتكتب عن ولادهم ده عيب .. فنقول #مبروك_للعروسين بقي ولا هو اَي فضاااا .. مبروك وبالتوفيق وحياة سعيدة ان شاء الله".