علق المخرج مجدي الهواري، على خبر زواج الداعية والمنتج معز مسعود، والفنانة شيرى عادل منذ عدة شهور، بعد طلاقه من زوجته السابقة المرشدة السياحية، بسنت نور الدين.ونشر "مجدي"، صورة للعروسين على حسابه عبر تطبيق "إنستجرام" وكتب عليها تعليقا: "يا جماعة ليه الهري في موضوع جواز معز مسعود وشيري عادل هما متقفشوش في شقة مفروشة على فكرة، ولا خدها واحد عرفي ع الماشي دول اتجوزوا على سنة الله ورسوله يعني مأذون وشهود ومهر وشبكة عيب بقي".وتابع: "وبعدين إحنا ليه بنشوف نص الكوب، مش يمكن قصة حب، ولا هو علشان بيقول قال الله وقال الرسول مش من حقه يحب، ولا هي علشان ممثلة تبقى حرام تتجوز، أنا شخصيًا بتابعه وشايف إنه راجل متوازن جدًا وغير مدعي زي غيره، وكل تصرفاته في النور، كان ممكن يتجاوزها في السر على فكرة زي كتير منهم وعادي، كونهم أعلنوا في حد ذاته هو احترام لينا وللرأي العام، أنا بتكلم دفاعًا عنهما بنيابة عن أهلهما اللي مش حلو يقروا اللي بيتكتب عن ولادهم ده عيب فانقول مبروك للعروسين بقي ولا هو أي فضاااا مبروك، وبالتوفيق وحياة سعيدة إن شاء الله، وعلى رأي شادية في معبودة الجماهير لما سألها الجمهور امتي الفرح قالتلهم: لما يخلص فستان الفرح". شارك في بطولة الجزء الأول من مسلسل السهام المارقة الذي أنتجه معز مسعود زوجته النجمة شيري عادل والنجوم شريف سلامة وهاني عادل ووليد فواز، بالإضافة إلى التونسية عائشة بن أحمد واللبنانية دياموند بو عبود، كما شارك مسعود في الإنتاج المنتج محمد حفظي رئيس مهرجان القاهرة الدولي السينمائي، وكتب العمل محمد وخالد وشيرين دياب في تعاونهما الرابع مع مسعود بعد خطوات الشيطان بجزئيه الأول والثاني، وفيلم اشتباك الذي عرض في افتتاح قسم نظرة ما بمهرجان كان السينمائي الدولي.