الإهداء.. إلى كل شوق حبيس العادات! راع اللكزز اللي طافني مع طريق الرين بغيت ألحقه والجمس ما جاب طبلونه عليّ الحرام ان فالغماره معه ثنتين لا شافهم راع الهوى جنت جنونه تبعته وانا من عادتي ما أتبع المقفين حصل ما حصل والمبتلي لا تلومونه بعد ما قربته ولعت لمبة البنزين وخففت من ممشاي والنفس محزونه لاكني تبعته بتجاه الجنوب إيلين تعدا المثلث والسراب انقطع دونه وانا مثل من يصبر على طعنه السكين تهقوى وفي بعض العرب خابت ظنونه خطاي اني اغامر لا شفت زولٍ زين رومنسيتي تنهار مع نظرة عيونه اعود مراهق كن مانيب فالستين أجاوب حمام الورق واغني لحونه inShare