كشفت الإعلامية سالي عبد السلام عن إصابتها بمرض نادر، تقوم فيه مناعة جسدها بمهاجمة شعرها، ما يتسبّب في تساقط خصلاته، وكتبت سالي عبر حسابها على تويتر: "بقالي يومين مستنيّة اتأكد.. ملحّقتش أوقّف الكورتيزون شهرين! لسة عارفة من شوية إني لازم أرجعله تاني، وجرعة أكبر من المرة اللي فاتت عشان مناعتي بتهاجم شعري تاني وعايزة توقعه، وحصل زيّ المرة اللي فاتت أو أكتر، الحمدلله، ولازم الكورتيزون عشان يوقف نشاطها.. سبحانك ادعولى شكرًا". وكانت الإعلامية الشابة قد أعلنت مؤخرًا عن إصابتها بمرض تسبب في فقدانها الكثير من خصلات شعرها، وأرجعت السبب إلى الحسد الذي أصابها من خلال منشور سابق لها، قالت فيه :"لكل حد كتب كومنت على راسي والله ..أنا بقرأ الأذكار كل يوم، مابفوتش فرض وبالسنن وقيام الليل الحمد لله ..المعوذات قبل ما انزل، القرآن والبخور كل يوم كل يوم والله.. وبحلف بس والله كدة كتير عليّا! أنا تعبت !!". وتابعت قائلة: عمري ما كنت بركّز فى الحسد بس مؤمنة بيه..مابركّزش من كتر ما بيتقالي إنتِ محسودة والناس مركّزة معاكي بزيادة؟!!! أنا؟؟ طب ليه؟؟! ييجو يشوفوا الواقع..ولا حاجة بتكمل فى جميع النواحي الحمد لله..عمري ما زعلت على شغل راح، أو جوازة أو عربية، أو صحاب، وببقى عارفة أن ده تركيز، وناس بتتمنى زوال النعمة منّك، أعوذ بالله واستكلمت قائلة :" كدة كتير وفوق طاقتي يا ربي ...لما ألاقي غروبات كتير بتتكلم عن شعري، ويا ترى ده اكستنشن ولا زفت ولّا، ولا كلمة ما شاء الله أو اللهم بارك، كله غل او يقول ده مش شعرها، وانا اتبرع وأحط صوري، وانا صغيرة عشان أقولهم دي طبيعة شعر، مش طريقة معينة للاهتمام عشان محدش يضحك عليكم، بحسن نية للي بيسأله ويحصلّي بعدها كدة.. في شعري ٣ مناطق مفيهاش شعراية!! ألاقي بوست زي ده معمولي أكتر من ٢٠٠ منشن فيه، وعلى الواتس آب والماسنجر وأقرب صحاب ليّا زعلانين، ويقولولي ربنا يستر عليكي بجد، دول عينيهم وحشة هيحصل حاجة!!!! وانا أكبّر وأضحك...لا أهه حصل!!! وأضافت: "كدة كفاية والله..والله كفاية ! مفاضلش غير شويّة الرضا، وتقبّل الدنيا اللي مخليني قادرة أكمّل..أبوس إيدكم بلاش دول كمان! ده مش هزار، ممكن تأذي حد غصب عنك أو نفسك، وبتحصل فعلًا لازم تقول ما شاء الله، أو اللّهم بارك وصفي نيّتك! السوشيال ميديا بجد ضيّعتنا كلنا!! قالك بيكتبو بوستات انجيلينا وبراد بيت مطلقوش ليه، والناس هتحسدك انتِ وهمّ مجرالهمش حاجة، ويهزّروا مع بعض كدة أهم اتطلقوا!!! ركز فى كل حاجة هزرت عليها !! حصلت... لكنها لم تكشف وقتها تفاصيل المرض الذي أصابها واضطرها إلى تناول عقار الكورتيزون بكثرة، ما تسبب أيضًا في زيادة وزنها، لكنها اضطرت مؤخرًا للكشف عن طبيعة المرض بعد معاودته لها من جديد، بعد شهرين فقط من توقفها عن تناول العلاج.7