يعاني أهالي شارع عفيفي بحيري، بميت عقبة التابع لحي العجوزة، من انتشار مياه الصرف الصحي المنتشرة حولهم في كل مكان والتي تهدد المنازل وسلامة المواطنين، حيث تعرضهم تلك المياه للأمراض بسبب الرائحة الكريهة التي يستنشقونها بشكل دائم، كما تسىء مياه الصرف الصحي لمنظر الشارع العام.وعن الأزمة يقول أبو متولي البالغ من العمر ٥٥ عامًا، «نفسي المكان ينضف من ريحة المجاري، والمنظر ده ميرضيش ربنا، بدل ما هي داخلة علينا في البيوت، وبنعدي عليها واحنا نازلين وطالعين، وأتمنى صوتي يوصل للمسئولين من خلال صفحة «صوت الناس» لجريدة «البوابة».وتستكمل نوال علي، البالغة من العمر ٣٠ عاما: «أنا عيالي لما يطلعوا يلعبوا بيتبهدلوا من المجاري، ودول أطفال بلاش أتكلم عن معاناة الكبار، ده غير الريحة اللي على طول منتشرة في البيوت ولا الحشرات اللي بتتكون بسببها، الحال ده صعب على أي حد يعيش فيه بس هنعمل إيه؟».ويتابع أبو بلال البالغ من العمر ٤٥ عامًا: «إحنا مش عايشين عيشة آدمية أبدًا، هنلاقيها من الفقر وإلا المجاري ومحدش سامعنا ولا حد بيسأل فينا، ننتحر ولا نعمل إيه؟ يا ريت حد من المسئولين يبصلنا، لأن إحنا صبرنا بما فيه الكفاية».واختتم الأهالي مناشدين المسئولين، أن ينظروا في أمرهم وأن يتم حل المشكلة رحمة بحالهم.