رصدت عدسة «البوابة نيوز» معاناة أهالى شارع العمدة، بمنطقة «ميت عقبة» من طفح المجارى فى الشارع، مما أدى لانتشار الروائح الكريهة والزواحف والحشرات، التى تهدد أرواح كبار السن والأطفال بالأمراض والأوبئة.يقول «عم محسن» ٦٥ عاما، أحد سكان المنطقة: «الريحة صعبة فى المكان هنا ده غير الحشرات المتكونة بسببها، ومبهدلانا بجد المنظر ده غير آدمى بالمرة».وتتابع «أم ناهد» ٢٦ عاما: «أنا مريضة صدر وعندى حساسية شديدة، والمجارى سبب رئيسى فى انتشار الناموس، والذباب فى المكان، ولما بستخدم مبيدات حشرية بتعب صحيا جدا، وفى نفس الوقت مش قادرة أقاوم الحشرات دي، طب أعمل إيه». ويضيف «أبومرسي» ٤٥ عاما: «بصراحة دى مش عيشة ترضى حد، ولما أنزل أجيب طلبات بيتى ألاقينى ماشى فى وسط المجاري، ده يرضى مين يعني، لازم يكون فى حلول بدل العذاب إللى إحنا عايشين فيه ده حرام».ويستكمل «عم عليوة» ٦٠ عاما: «أنا زى أى واحد بحب أقعد فى البلكونة عشان أشم هوا نقي، ومجرد ما بفتح أى منفذ للبيت ألاقينى شامم ريحة المجاري، ده غير الحشرات إللى بتدخل البيت وتبهدلنا، انا بعانى معاناة كبيرة من المجاري، ويا ريت الحى يشوف حل فى الموضوع ده».وناشد الأهالى المسئولين سرعة التدخل، وحل أزمة المجارى بالمنطقة، بعد أن تقدموا فى السابق بأكثر من شكوي، دون جدوي، مما أدى لتفاقم الأزمة.