الشاعر : شريف الزهراني   يا وجه الايام السعيده يوم غطاك الحجاب !! كنتي صبيه فارهه بالزين وافعالك عريبه ؟ صغرت بالاقدار ؟؟ وابديت الحٌسن وقفا وغابكبرت بالاقدار ؟؟ وابديت السواد وساد عيبه اثر ف طيات السنين ( ايام ) ما عنها مناب!!تحمل من الاقدار وابن ادم ما يدري وش تجيبه ؟ يوماً : نغازل فالسيول اللي تناقلها الشعابويوماً : نواسي فالعيون اللي محاجرها صبيبه متغيرات الوقت وهموم المفارق والغيابخلت لنظرات المدى المقبل سواد وقو هيبه ماعاد يطربني المطر والغيم وبروق السحاب ولا عاد تطربني ملذات الحياة المستريبه اساير( الايام ) : كني خصم فـ ارقبته رقابمسجون ( والايام ) لو طالت ب عمره ما تثيبه! ما اني مصدق ما حصل ورب مكه والكتاب !! غياب وجه الين هذا اليوم ما اصدق مغيبه؟ ( يا نوف ) موتك غصه وذكراك نوع من العذابالله يعين الحيّ لا فارق بلا موعد حبيبه بكيت (ما) تبكي الثكالى والارامل فـ الحِراب!!وهليت دمعٍ ما يهله سالم الزير فْـ كليبه بين الوعي واللا وعي عشت اصعب ايامي مصابادور المخرج من احزاني بـ آمل لـ اجل انتشيبه لكن ؟ مرت والخفوق أتقول به لاظي الحساب !! استغفر الله : لكن اللي صار فيه اكبر مصيبه باقي على ساعاته الاولى من الفجعه ما طابوفجراً قبرتك فيه وعيوني على قبرك رقيبه! والله ما كنت اتوقع يوم يعلاك التراب لكن قضاء ربي ولا لي حيلةٍ غير أرتضيبه رحتي !! وخليت النبا الطيب مع احباب وقرابواخلاقك اللي ما يساويها من الجنسين طيبه من يوم لحظات الولاده لين كمّلت النصابغيمه ثؤثر لا همت حتى على الصخر النشيبه رحتي!! وخليت السعاده عقب ما رحتي سراب ماباقي الا ذكريات .. وحزن لا ( زمّ) انتحيبه.. وابكي وحدّث روحك ألامي ولا اقسى فالعتاباخاف لا اجرح خاطرك في قول وانا ما دري به واحدّثك : عن كل دمع( ن ) ذوّب المقله ذواب واحدّثك : عن كل حزن(ن) مالقينا له طبيبه !! ” أحدّثك” عن دمعة امي..ولاّ عن دمعة مهاب!!من يوم ما هلت من اعيونه على عارض مشيبه؟ ولا عن اخواتك ومنهم ضاق بي الكون الرحابصدى بكاهم والدموع ونظرة الحزن الكئيبه اعيونهم: مثل الشفق والشمس في حزة غياب وقلوبهم : من رجفها تخشى من الريح الهبيبه واحدّثك فاللي طوت ( ثالث سنه) والعمر خابواللي ف (خامس عامها ) تستقبل اليتم ونحيبه واحدّثك عن بيتك اللي كان لي مصدر عقاب؟ ف اول عزاء مغصوب اجي؟ واخر عزاء جيته غصيبه! جينا وودعنا جدار البيت و اسبلنا الثياب ثالث عزاء (وقفلت بابً ) كم عشقت اطرق خشيبه واقفيت ما اناظره واستعجل فـ خطواتي الذهابصحيح من قال الزمن دوار والدنيا غريبه واحدّثك عن صدري اللي بين ضرس وبين نابواحدّثك ؟واقسى حديث الصدر يشكي ضيق خيبه عن قلبي اللي كنت اماري في عزايمه الصلاب وضاعت هقاوي ايامه الرحبه فالايام المهيبه ودموعي اللي ما تنزلها قبل موتك صعابوهلت على فراقك مذعوره مدامعها سكيبه عزايمي ضاعات وانا رجال يحسب له حسابوش عاد في قلب(ن) رهيف ودمعة اعيونه قريبه.. تصبري يمه عسى صبرك على الفقده ثوابماهوب ياخذ كل حيّ فالحياة الا نصيبه والله ما ألومك ليا شفت المدامع ف انسكابلكني اتعذب ليا ناظرت ودموعك صبيبه واقول ( يالله ) من رجاك ومن دعاء وجهك ماخابافرغ علينا صبر واجبر كل صدرن يا حسيبه وجعل لنا في صبرنا عنها والاحزان احتساببجاه دعوة من يصلي في حرم ، مكه وطيبه واغفر لها الزلات يا الغافر لـ من يشرك وتاب ويا معطي الحسنه بـ عشر امثال والداعي تجيبه ادعيك دعوة مؤمن(ن) خافك كثر ما اخطا وصابمن هيبتك في خِلقة الدنيا وقدرتك الرهيبه!! أدعيك خلدها في الجنه بلا سابق عذاب من عقب ضاق الكون فيها جنتك يالله رحيبه