يعانى أهالى شارع محمد إبراهيم بمنطقة ميت عقبة بمحافظة الجيزة، من الكابلات المكشوفة التى تعرض حياتهم للخطر، وبرغم كثرة شكواهم إلا أنه لا أحد يجيب على شكواهم حتى الآن.يقول عم كامل ٨٠ عاما: «إحنا لا نطلب المستحيل، ودى حاجة بسيطة ولكن فى غاية الخطورة على أرواحنا وأرواح أطفالنا فيا ريت يكون فيه حلول بدل الوضع ده».وتتابع «أم نجلاء»،٦٠ عاما: أنا ست كبيرة لكن بخاف جدا من شكلها أو إنى ألمسها وأنا بسند على الحائط، ومش واخدة بالى ودلوقتى إحنا فى الشتا يعنى المطر بيزود خطورة الكابلات المكشوفة دى أكتر.وتضيف «هبة نسيم» ٤٥عاما: المشكلة إن دى مسئولية الحى فيا ريت يهتموا بيها لأنها ما ترضيش أى حد، خاصة أن الأمر متعلق بأرواح أطفال وناس كبيرة فى السن، ممكن تلمسها بالخطأ.واختتم الأهالى حديثهم بضرورة النظر فى شكواهم من قبل المسئولين وإيجاد حل للكابلات المكشوفة التى تجعلهم يعيشون فى حالة خوف دائم، خاصة فى فصل الشتاء.