رصدت عدسة «البوابة» معاناة أهالى شارع النقيب طبيب، بمنطقة ميت عقبة، من انتشار القمامة التى تسببت فى مشاكل صحية وخيمة لهم، وأدت إلى إصابتهم بالعديد من الأمراض، وقال عم حمدي، ٦٥ عاما، أحد سكان الشارع: «الريحة صعبة فى المكان، غير الحشرات، ومبهدلانا ودخلت على البيوت، المنظر غير آدمى بالمرة، وخاطبنا المسئولين فى شكاوى أكثر من مرة، دون حل».وتتابع: «أم لميس»، ٢٦عاما،: «أنا مريضة صدر وعندى حساسية شديدة، والقمامة سبب رئيسى فى انتشار الناموس، والذباب فى المكان، ولما بستخدم مبيدات حشرية بتعب صحيا جدا، وفى نفس الوقت مش قادرة أقاوم الحشرات دي، طب أعمل إيه؟».ويضيف: «أبو محمود» ٤٥ عاما: «لما بنزل أجيب طلبات بيتي، ألاقينى ماشى فى وسط القمامة، ده يرضى مين يعني، لازم يكون فى حلول بدل العذاب اللى إحنا عايشين فيه ده حرام»، ويتابع عم على أبو الحسن، ٦٠ عاما: «مجرد ما بفتح أى منفذ للبيت ألاقينى أشم ريحة القمامة، ومجرد ما أشوفها قدامى نفسى بتتسد، ده غير الحشرات اللى بتدخل لى وتبهدلنا بجد أنا بعانى معاناة كبيرة أوى من القمامة دى، فيا ريت الحى يكتر صناديق فى كل مكان، وحد من عمال النظافة يأخذها كل يومين، بدل ما بنمشى وندوس عليها كده».