نعت المطربة الشابة إيناس عز الدين الفنان عزت أبو عوف عبر صفحتها الشخصية بشبكة التواصل الاجتماعي فيس بوك قائلة:" حبيبنا كلنا مات.. عزت أبو عوف في ذمة الله.. صعب عليا أقولها وإيدي مش مطاوعاني اكتبها وبتترعش".وأضافت: "حبيبي اللي دخلت بيته واتشرفت بمعرفته ومقابلته ورقي أخلاقه وتواضعه وذوقه وكرمه وكل حاجة حلوة مهما قولتها مش حتوفيه حقه راح خلاص.. كنت هموت وازورك بس قالولي ممنوع عنك الزيارة".وتابعت: روحت قبل ما أودعك يا غالي على قلبي وقلوب الناس كلها ياللي مافيش إنسان مش بيحبك ويفتكرك بالفرح والضحك والبهجة والفن وياما مديت إيدك لناس هما دلوقتي من أكبر نجوم في الوطن العربي.. حرقة قلبي عليك ما تتوصفش.. في أمان الله وإلى لقاء مهما طال فهو قريب.. إنا لله وإنا إليه راجعون.. البقاء لله وحده".جدير بالذكر أن الفنان عزت أبوعوف رحل عن عالمنا، عن عمر يناهز 70 عاما، بعد صراع مع المرض.