نعت الفنانة إيناس عز الدين النجم الراحل عزت أبو عوف الذي وافته المنية فجر اليوم عن عمر يناهز 71 عاما، بعد صراع طويل مع المرض.وكتبت من خلال حسابها على الفيسبوك :"حبيبنا كلنا مات .. عزت أبو عوف في ذمة الله .. صعب عليا اقولها وايدي مش مطاوعاني اكتبها وبتترعش " .وأضافت :" حبيبي اللي دخلت بيته واتشرفت بمعرفته ومقابلته ورقي أخلاقه وتواضعه و ذوقه وكرمه وكل حاجة حلوة مهما قولتها مش حتوفيه حقه راح خلاص .. كنت هموت وأزورك بس قالولي ممنوع عنك الزيارة" .وتابعت: "روحت قبل ما اودعك يا غالي على قلبي وقلوب الناس كلها ياللي مافيش انسان مش بيحبك ويفتكرك بالفرح والضحك والبهجة والفن وياما مديت ايدك لناس هما دلوقتي من اكبر نجوم في الوطن العربي" .واختتمت :" حرقة قلبي عليك ما تتوصفش .. في أمان الله وإلى لقاء مهما طال فهو قريب .. إنا لله وإنا اليه راجعون .. البقاء لله وحده" .يشار إلى أن النجم عزت أبو عوف كان يتلقى العلاج داخل أحد مستشفيات المهندسين، خاصة أنه كان يعانى من مرض فى الكبد والقلب.وكان أبو عوف ينتظر استكمال تصوير فيلم "كل سنة وأنت طيب" مع النجم تامر حسنى.