مخاطر يومية يتعرض لها الطلاب وكبار السن أثناء العبور على السلم العشوائى للمحور، ويناشد أهالى أرض اللواء بيمين المحور المسئولين لوضع حد لهذه الشكوى التى أرسلوها كثيرا دون استجابة.يقول عم أحمد، ٥٠ عاما: «هو إحنا لو حياتنا تفرق مع حد كانوا اهتموا بينا من الأول، إحنا عشان نقدر نعدى لازم بنعدى من فوق السور وننزل على السلم ونشوف الموت بعد كدا على الطريق الدائرى، إحنا حياتنا فى خطر ولازم يكون فيه حل من المسئولين».واختتم أهالى يمين المحور بأرض اللواء: «نحن نناشد المسئولين بحل هذه الكارثة التى تعرض الكثير من الناس لمخاطر وضياع أرواح كثيرة من الأطفال فى استقلال السلالم العشوائية للعبور من عليها وعبور الشارع السريع الذى لا ترحم به السيارة أى شخص ليذهب إلى المدرسة أو العمل ومن حقنا أن يكون لنا كوبرى للعبور مثل المناطق المجاورة خوفا على سلامتنا وسلامة أطفالنا، ونحن نستغيث بالمسئولين للمرة الألف، ونناشدهم بالاهتمام بشكوانا وحل هذه المشكلة».كما يناشد ناشد أهالى شارع يمين المحور بمنطقة أرض اللواء مسئولى محافظة الجيزة، بتوجيه سيارات النظافة ناحية شارع يمين المحور، حيث إن القمامة متكدسة هناك.وتقول «أم إبراهيم»، ٥٥ عامًا، «بصراحة دى مش عيشة ترضى حد، ولا بنعرف نفتح شباك ولا بلكونة بسبب الروائح المنبعثة من القمامة، هل دا يرضى ربنا؟ لازم المسئولين يشوفوا حل وتتشال بدل العذاب اللى إحنا عايشين فيه، لأن كلنا بنتعرض لانتشار الذباب الناقل للأمراض غير الحشرات اللى بتدخل وتبهدلنا، بجد أنا أعانى معاناة كبيرة من القمامة دى، يا ريت الحى يكتر صناديق فى كل مكان، وحد من عمال النظافة يأخذها كل يومين، بدل ما بنمشى وندوس عليها كده».