بالطبع مصنف مش إنسان..متكون من عجنة أحزان..على خوف على زيف..على وهم وبيشكل تخاريف..وبتتدور..فتصور..بقعد وادور..دايما على معنى أو توصيففهقول مثلا..كائن وهمى.. مش لحم دم..كان مبنى عقار..والطوب كان هم..الريح تهجم..تلقاة ينهار..ويكح دموعة المعجونة..بوجع وغبار..كان مش إنسان.. كان محض حمارله خط مسار.. يمشية كالسيف..كان مين.. معرفش.. يمكن ترابيزة في وسط العفش.. ثابتة مابتخافش..أو يمكن نيش..جه يخطى العتبة لكن مامشيش..جواه تماثيل.. ماتت من غير مايكون فية دليل من قبل ماتنكتب الجملة..بجريمة كاملة..مافيهاش بصمات..فعموما شهادتهم أموااااات..كات عايزة تعيش..جناحاتها الريش..كانت زينه..ومجرد صلصال وعجبنه..وقعت منها..أو نسيوا في يوم راحوا خلعينها..اوكانوا مجرد شكل ظريف.. كان طيف مزحوم.. احزان وعذاب..كان ضلفة قلبة.. كإنها باب..والقلب دولاب..شايل ياما..قمصان بياقات.. على كام جلبية على بيجامهاحباب وأصحاب..وعيال كانوا فقرا ويتاما والباب سوسته..يفتح يقفل..وساعات بيدور.. مصنوع من فل..لما يغفل..يصحى يلاقى.. الباب مكسور..فمزاجه يقل..فيرد علية الحظ اتقلفايعيش في الدور..كان باب سوسته..لا كان صندوق أحمر بوسطه..والاكرة معصلجة مش راضية والناس جوابات..لكن فاضيه.. من غير مظاريف..كان مش إنسان..كان كائن..مجهول التعريف