غنيله ياسمرة من مواويله غنيله يا سمرة من أسى ويله متنا ألف مرة ■ ■ ■ يفرش رموشه ورود ع الأرض وتفوتى بيقولك انتى الصوت متخبى فى سكوتى ويموت فدا ضحكتك من شهدك اديله يا سمرة حنيله «حِس الغالى بَرَّة» من مواويله غنيله يا سمرة من أسى ويله متنا ألف مرة ■ ■ ■ يفتح سكك ودروب فى الصعب وتخطى بيقولك انتى كتاب مكتوبة من خطى ويقولك انتبهى للخطوة مين يعلم مش كل يوم تسلم فى الخطاوى الجَرَّة من مواويله غنيله يا سمرة من أسى ويله متنا ألف مرة ■ ■ ■ من كَوى دمعه الخدود فوق الكفوف بتسيح عيونه كالمسبحة والدمع كالتسبيح ورغم إن الهموم فى رقبته قيد من مسد طول عمره واقف أسد ع الحلوة والمُرَّة من مواويله غنيله يا سمرة من أسى ويله متنا ألف مرة ■ ■ ■ بتحدفيه بالأسى وعيونه تدمع ورد بضلوعه غطاكى عشتى وهو مات م البرد طيّر قليبه حمام وأما يجور الزمن يدفع حياته تمن وانتى تعيشى حرة من مواويله غنيله يا سمرة من أسى ويله متنا ألف مرة قصيدة لـ«جمال مدنى»