علبة الدركسيون هي المسؤولة عن توجيه السيارة يمينا و يسارا و اي خلل فيها يؤدي الي صعوبة التحكم و السيطرة علي السيارة خصوصا عند السرعات العالية مما يؤدي الي زيادة الحوادث. وعلبة الدركسيون عبارة عن وحدة تحكم خاصة بتوجيه السيارة تتكون من ترس صغير راكب على جريدة مسننة داخل ماسورة إسطوانية تنتهى بكاوتشتين اوكورديون وخارج منها ذراعين من الصلب ، عندما تلف الطارة تقوم الطارة تخلي الترس ده يلف معاها وهو بدوره بيزق الجريدة فى أحد الأتجاهات اللي وجهت الطارة ليها ونظام الأسكترا ده يعتبر نظام بسيط وسهل ووزنه خفيف وممكن يستوعب نظام الباور بسهولة وموجود في معظم العربيات الحديثة. اما عن وظيفتها تتلخص في انها عندما تقوم بلف الطارة تجعل الترس يلف معها وهو بدوره بيدفع الجريدة فى أحد الاتجاهات التي وجهت الطارة ليها عن طريق تحويل الحركة الدائرية من الطارة إلى حركة خطية وبمعنى أدق تدى الفرصة للانتقال يمينًا ويسارًا وتنقل الطاقة الحركية للإطارات ما أسباب وأعراض تلفها ؟ نقص زيت الباور والترشيح دليل واضح على وجود تسريب و لو من جزء صغير فى منظومة الباور وعادة بيكون نتيجة تلف في أوسيلات الزيت أو تسريب من قربة الباور او الخراطيم وده يؤدي إلى تلفها.  أعراض تلفها :تقل الطارة بشكل واضح و تلاقي صوت تزييق أو خبط كأن فيه ترس بيفلت من ترس وكمان لما تحس بإن الطارة بتتهز معاك وأنت ماشى ولما تلفها قوى هتلاقى اليمين غير الشمال فى التقل يعنى لما تحود شمال تلاقيها خفيفه ويمين تقيلة شوية وبردو لما تحرك الطارة يمين أو شمال حركة بسيطة هتلاقى العجل مش بيتحرك يبقى كدة الاسكترا شطبت خلاص.