خذيني من تهاتيه الحياه اللي بدون دروب على دربً لو يتعب عزومي مايتعبني انا ماكنت لا بيّن ولا واضح ولا محسوب ولاحتا القصيد اللي كتبته كان يكتبني مواعيدي لخلان الرفاهيه وعد عرقوب وهقواتي بعزمي لاتصيب ولاتخيبني خسرت عزوم شرهين العزوم ولاكسبت قلوب ولا أدري وش يخسرني وفاي ووش يكسبني أبا أذنب لين تِفتح لي مداخيل الرجا وأتوب أنا تايه وأحث النفس وأغصبها وتغصبني ذنوبي يوم أشوف أن المحبه والفراق ذنوب وعيبي يوم اخاف من العيون اللي تراقبني أليا مني بنيت الراي مافوقه أسمنت وطوب مشاريه الزمان تقول لاتهدم ولاتبني طعون الغدر ترهقني وانا ماعاد في جنوب غثاها نوب يوعد بالامان ونوب يعطبني تعريها الظروف القاسيه وتبين نوب ونوب والا ياوجد روحي من تقلبها وياغبني أنا ياحظّي أبيض وجه وأبيض قلب وأبيض ثوب لكنّ أشره على سود الليالي لاتعاتبني