أرسل سلامي والسلام اليوم ساير يزهم على دار الخليفة الوايليّه يحمل معه في جعبته اطيب بشاير واجمل تعابير الوفى وأحلى تحيّه للوافيين الـ حبّهم دستور صاير وأيامنا في ظلّهم دايم هنيّه آل الخليفة يا فخر كل العشاير ياللي نشدت علومهم ما هي خفيّه ما مثلهم حكامنا والصيت داير تشهد لهم كل العرب عز وحميّه بقلوبنا.. بين الحنايا والضماير حبّك حمد يغلب على كل الرعيّه خلفك مشينا نتبع بليّا عذاير ما نبطي وفينا الوفى طبع وسجيّه الشعب كلّه سيدي درع وسواير وعيون تسهر للوطن صبح ومسيّه نحمي ربوع المملكة من كل غاير لا ما نساوم في كثير وفي شويّه ولعينها نارد على حوض المراير مير أبشري بحريننا.. وابقي رضيّه حنّا لها يا سيدي والدم فاير يجرع عدوّك منّنا كاس المنيّه ويومن تشاور كلّنا بارود ثاير وإن عجّت بساح الوغى نارن لظيّه الله ملكنا والوطن رمز وشعاير مرفوعةن فوق الجباه المعتليّه متوحدين وبيننا وحدة مصاير خلف القياده عزومنا دايم قويّه ما بيننا اللي ينتهج نهجن مغاير الصّف واحد والخوي يسند خويّه ولا بيننا اللي يرتضي فعل الصغاير نكرم عن افعال الردى واهل الدنيّه ربّي طلبتك يا عليمن بالسراير ديم الخليفة للوطن رمز وهويّه واجمع على حب الوطن كل الشواير وبحريننا عالمعتدي خلها عصيّه وخلّي حمد مثل القمر عالكون ناير ما ننحرم من طلّته ومن نور ضيّه واحفظ خليفة وجنّبه كل العثاير وسلمان... ربّي تحفظ العهد ووليّه وأختم وأصلّي في عدد كل طير طاير عالهاشميّ ألمصطفى خير البريّه ] الشاعر لـؤي جديتــاوي