تصدرت اليوم الاثنين رضوى الشربيني مقدمة برنامج "هى وبس" المذاع على شاشة سى بى سى سفرة "تريند تويتر" عقب حلقتها الخاصة بتقديم مجموعة من النصائح والخطوات لكى تنسى من خلالها الفتيات الحبيب أو الرجل في حالة عدم قدرتهن على البعاد والفراق والانفصال.وروجت العديد من السيدات والفتيات نصائح رضوى لهن عبر مواقع التواصل الاجتماعي وجاءت في 7 خطوات:أول نصيحة لرضوى قالت فيها: "بصوا بقى أول يومين ثلاثة هتقطعى شرايينك فيهم وتعيطي وهتبقى متضايقة وهتبقى وحيدة وهتبقى زي ما بتقولوا بالبلدي بتتفركى عشان تعرفى هيكلمك امتى ومش هاكلمك امتى". وتابعت رضوى تانى نصيحة: صدقوني بعد الخطوة الأولى عن تجربة وعارفة أنا بقول إيه لازم تشتغلى ونكمل حياتنا مع بني آدمين محترمين يقفون بجانبنا ونخرج مع أصحابنا ونملأ الـ 24 ساعة على مدى اليوم. واستكملت حديثها ثالث نصيحة في اليومين دول هتحسى بغربة هتسرحى فيه شوية وانتى قاعدة مع الناس هتتمنى إنه يكلمك لكن بعد شوية من الوقت هتلاقى الكلام دا كله رااااح. أما رابع نصيحة: الصلاة والصدقة بنية راحة القلب والدعاء بيارب شيل حبه من قلبى وهتعلم لغة وكل ما هو جديد. وبالنسبة للنصيحة الخامسة تابعت قائلة: هنقرر إن مش عايزين ندخل في علاقة جديدة نهائيا فبلاش تداوى جرح بجرح لازم ناخد شوية وقت بدون رجل بدون حب بدون علاقة كل شىء في الجسم هيكون معطل ما عدا المخ هو بس اللى هيشتغل.أما النصيحة السادسة قالت فيها: صدقوني بعد وقت قليل جدا لن تتخيلى عندما تغمضي عينك وتفتحيها وتوقفي أمام مرايتك هتحسي ولا كإنه موجود وإذا شوفتيه في مكان احتمال احتمال تشبهى عليه وربنا هيشيله من قلبك وعقلك تماما طول ما انت بتدعي من قلبك يا رب شيله من قلبي يا رب شيله من عقلي وحياتك هتستمره وتعملي فلوس وشغل.وتابعت في النصيحة السابعة والأخيرة قائلة: خلى بينك وبين ربنا عمار سوف يضع في طريقك الرجل الصح لأن ربنا رب قلوب.