اعتادت الإعلامية رضوى الشربيني، على إثارة الجدل بشكل دائم، بسبب تعليقاتها على القضايا المختلفة وهو ما حدث خلال الساعات الأخيرة بعدما أشعلت مواقع السوشيال ميديا وخاصة موقع التواصل الاجتماعي "تويتر".هذه المرة لم يكن هناك موقف واحد للإعلامية، فأثارت رضوى الشربيني الجدل من خلال رسالتين أحدهما كانت كالمعتاد بشأن العلاقات العاطفية، والآخرى بشأن فيروس كورونا.هاشتاج رضوى الشربيني ودشن عدد من رواد مواقع التواصل الاجتماعى تويتر هاشتاج باسم رضوى الشربيني، وتصدر الهاشتاج قائمة الاكثر تداولا عبر مواقع التواصل وتفاعل معه عدد كبير من مستخدمي السوشيال ميديا.إزاي تنسي حبيبك بسرعة الهاشتاج جاء كرد فعل على حلقتها أمس بعنوان "إزاي تنسي حبيبك بسرعة"، التي قدمت فيها عدة وسائل يمكن من خلالها الفتاة أن تستطع نسيان حبيبها بشكل سريع.وخلال الحلقة، قالت: "بصوا بقى أول يومين ثلاثة هتقطعى شرايينك فيهم وتعيطي وهتبقى متضايقة وهتبقى وحيدة وهتبقى زي ما بتقولوا بالبلدي بتتفركى عشان تعرفى هيكلمك امتى ومش هاكلمك امتى".وتابعت: "صدقوني بعد الخطوة الأولى عن تجربة وعارفة أنا بقول إيه لازم تشتغلى ونكمل حياتنا مع بني آدمين محترمين يقفون بجانبنا ونخرج مع أصحابنا ونملأ الـ 24 ساعة على مدى اليوم".واستكملت: "في اليومين دول هتحسى بغربة هتسرحى فيه شوية وانتى قاعدة مع الناس هتتمنى إنه يكلمك لكن بعد شوية من الوقت هتلاقى الكلام دا كله راح"، وتابعت: "رابع نصيحة الصلاة والصدقة بنية راحة القلب والدعاء بيارب شيل حبه من قلبى وهتعلم لغة وكل ما هو جديد".وبالنسبة للنصيحة الخامسة تابعت قائلة: "هنقرر إن مش عايزين ندخل في علاقة جديدة نهائيا فبلاش تداوى جرح بجرح لازم ناخد شوية وقت بدون رجل بدون حب بدون علاقة كل شىء في الجسم هيكون معطل ما عدا المخ هو بس اللى هيشتغل".واستطردت: "صدقوني بعد وقت قليل جدا لن تتخيلى عندما تغمضي عينك وتفتحيها وتوقفي أمام مرايتك هتحسي ولا كإنه موجود وإذا شوفتيه في مكان احتمال احتمال تشبهى عليه وربنا هيشيله من قلبك وعقلك تماما طول ما انت بتدعي من قلبك يا رب شيله من قلبي يا رب شيله من عقلي وحياتك هتستمره وتعملي فلوس وشغل".واختتمت: "خلى بينك وبين ربنا عمار سوف يضع في طريقك الرجل الصح لأن ربنا رب قلوب".مش هنسلم مش هنبوسومن بين التعليقات التي جعلتها تتصدر السوشيال ميديا تعليقها على فيروس كورونا، وغردت الشربيني عن مخاوف انتشار "كورونا" في مصر، بنصيحة ساخرة هي: "شعارنا الجديد... مش هنسلم مش هنبوس مش هننشر الفيروس".وتفاعل أحد المغردين مع نصيحة رضوى الشربيني الساخرة، من خلال مشاركة بعض النصائح للوقاية من الفيروس، مستخدما الهاشتاج الذي يحمل اسمها.