تنشر "البوابة نيوز" نص "عاجل بعلم الوصول" من ديوان بعنوان "وجعًا يليق بك" للشاعرة دعاء عبد المنعم محمد، الصادر عن مشروع النشر الإقليمي التابع للهيئة العامة لقصور الثقافة.   "عاجل بعلم الوصول"  أعلمك إني كبرت  حتى وبطلت  أشوف حلقات afrecan skays واسمع سيرة الحب  وخلاص بطلت اصدق  إن فيه شيء خالص لوجه الإنسانية وبس  وإن الأبيض أبيض  والإسود مخلوق ناقص حسب عقيدتهم  والرجل واصل طازا م الغابة  بتجذبه ريحة الدم المتخبي وبس  أعلمك إني خلاص  البنت اللي الصدق بيطرح ف عيونها الفرح  خلاص لبست نضارة  عشان أكتر حاجة جذباك ليها  أكتر حاجة وجعاها بجد  أعلمك إني خلاص متأكدة دلوقت  إن جواز سفري  مادة عبارة عن أوراق حكومية وبس  مش زي ما آمنت زمان إن حبك هو الوطن  أعلمك وأتمنى يكون وصلك ردي  أنا النهاردة وبس صالحت الدال ع الهمزة وجمعت ما بينهم  وأعلمك برضه  إني حققت بشارة كاظم  ومسحت اسمك الخالد من حروف العربي بتاعتي