ياصاحبي... ياصاحبي لاصارت الغربه وطن .. وصار الوصال فراق ... ماعاد للدنيا ثمن... ولا للغصون اوراق... يعني يمر العام ... أيام بعد أيام ... وانا بدون احباب ... اصارع الاشواق ... ومدري لمن مشتاق ... ياصاحبي ..مالي انيس .. حتى الكتاب ماصار في وقتي جليس.. عايش وحيد .. اصارع اوهامي.. وحلمي بعيد .. احيان احس ان المكان.. مابه مكان.. واحسني مسجون وهمي السجان واحيان احس الليل راحه وسلوان وامن .. واحيان احس انه كفن.. ولو قلت لي فضفض وهيا اشتكى همك ياصاحبي اشكي لمن؟ اشكي لمن؟؟؟ ياصاحبي احيان احس اني مثل فارس بساحة حرب .. واتصور الميدان.. واسمع صهيل الخيل .. ومقارع الفرسان.. وطعن ورماح وضرب.. واسمع عذارى يعتزن .. اللي تعزوى بعمها .. واللي تعزوى بخالها.. والكل منهن فرعت عن شعرها من همها .. وصوب الثريا طوحت في شالها.. وبصوت واحد رددن .. اليوم يومك يابطل .. والخيل من خيالها ... ياصاحبي اسرح مع احلامي ... وانهض على اقدامي .... ولساني يردد... لازم تكون او ماتكون .. اليوم كر وفر .. ويوم الجنون جنون والصبرطعمه مر .. وفجاه يلف الكون ... صمت وسكون .. من كل شكل ولون.. لاتقولي وشلون.. ياصاحبي يعني بواقعنا انهزمت.. فهمت والا مافهمت.. والا على حضورك ندمت!! تقدر تروح ودمت وسلمت ياصاحبي عيا الزمن يصفى مبحر بدون شراع ابحث عن المرفأ عايش مابين الناس ومن حولي الجلاس ولو قلت لي وينك؟ اقول بالمنفى !! ياصاحبي ... ياصاحبي ... ياصاحبي ... كلمه وخذها بااختصار ... بااختصار ...... ياصاحبي لاصارت الغربه وطن... تصبح انسان بلاثمن ... يعني ولاعندك امل وافضل طريق .. انسج من احلامك كفن .. ... وودع الدنيا ...ونااااام...... ومسك الختام ... مني سلاااااااام.. *✍️ بقلم الشاعر* : *ناصر بن عليثه المحياوي الجهني*