جالوا الصعيد مليان خصومه طب كلمة صعيدى معناها شَتومة..والله دا إحنا رجال ونشيل على كتافنا جبال  شهامة طبعنا يحكوها فى الأمثال عمرك سمعت إننا نعمل ظَلومه فكرك لو اتخاصمنا هتجوم لنا جومه ....ياعمى دا انا ومينا وبطرس أولاد عمومه .راح ننسى لعبنا فى الحارة وكل واحد ماسك فى ايده سنارة .فرحان بصيده وكأننا بحارةولا جاعدة الشلة على ناصية الحارة .....ولا جعدة ونسة فى دوار عمك عمارة ....والله بتكلم وأنا فى حلجى مرارة ...لما أشوف أيام بتجرى وإحنا سكارى وناسيين الدفا وفى البعد شطارة .. ...دى سنين عمرنا محسومة ...وعيونا لما شافت غلبها مصدومةوعقول من كترت فكرها مهمومة .والشيلة تقلت والعافية أصبحت معدومة  عايجولوا إصبر والصبر ماله لزومةومشاعر من الشجا محرومة وخوفى من بكرة لأيام ماهى معلومة ...ولميته هتفضل أيام عمرنا مظلومة .ولولا الأمل مستنى ضى  الشمس ..من غير الملل .ومسيره يطلع من ليلها جمر ..من عتمته غَزَلتْ الضى من ليلة سحروأزرع بإيدى فى الطريج بساتين .ويمروا ويجولوا هم دوله مين .دول ولاد الحى نبض الحياة فيهم هيفضل حى . حتى لو السنين طوت عمرنا طوى دماهم تروى أرضها بدال المى