باستخدام مجهر (ميكروسكوب) وبعض أدوات النحت والأقلام الرصاص يبدع فنان مصري شاب تماثيل فرعونية مميزة على السنون الصغيرة لأقلام الرصاص.فبعد أن استوحى هذه النوعية من الفن من فنان تايواني شاهد أعماله على الإنترنت قرر إبراهيم بلال (28 عاما) هذه الوسيلة لتسليط الضوء على التاريخ المصري القديم بأسلوب فريد.وقال الفنان إبراهيم بلال لتلفزيون رويترز «أنا بدأت النحت من حوالي 3 سنين لما شفت منحوتة لفنان تايواني على سن قلم رصاص فعجبني جدا الموضوع وجذبني وقلت لازم أجربه يعني. فبدأت أحاول محاولات كتير جدا فاشلة في الأول لحد ما تمكنت من عمل أول منحوتة ودي ادتني ثقة ان أنا أكمل فيما بعد وان أنا أبدأ أركز مع الموضوع أكثر. بدأت أنشر شغلي على السوشيال ميديا فلقيت الناس جدا مبسوطة باللي أنا بأعمله يعني في البداية. بس طبعا كانت الأفكار ضعيفة شوية لقيت ان هو الفن عبارة عن فكرة فلازم أكون بأناقش بشغلي ده فكرة معينة أو فيه رسالة حابب أوصلها».وأضاف «لقيت انه مفيش أفضل من الاثار المصرية لتجسيدها ان أنا أعيد احياءها عن طريق النوع ده من النحت. طبعا لما بدأت أنشر بقه الشغل الفرعوني لقيت يعني رد فعل مش طبيعي يعني على الشغل ده. فده خلاني أمسك في الموضوع أكثر وأثبت وان أنا أبدأ أنمي الموضوع وان أنا أبدأ أطور من نفسي أكثر علشان الجودة تعلى وفي نفس الوقت نكون على قدم المساواة مع فنانين أجانب هم امتهنوا الموضوع وهم اللي مسيطرين على الفن ده في العالم كله».ويسّوق الفنان خريج كلية الحقوق أعماله الفنية على منصات وسائل التواصل الاجتماعي ويدير قناة تعليمية على يوتيوب يعرض من خلالها تقنياته.ويعتزم بلال تنظيم معرض قريبا ليتسنى له بيع 22 عملا فنيا أبدعها على سنون الأقلام الرصاص.