غيب الموت في الرياض شاعر المحاوره مستور بن تركي العصيمي بعد معاناة مع المرض اسكنه الله فسيح جناته. والشاعر مستور العصيمي من مواليد عام 1347 هـ – 1928 م في وادي بسل ودخل معمعة الشعر عام 1370 هـ لذالك يعتبر من أقدم شعراء المحاورة المعاصرين في الخليج والسعودية زامل فطاحلة الشعراء مثل مطلق الثبيتي وصياف الحربي وجار الله السواط وشلويح المطيري وعبد الله المسعودي ومحمد الجبرتي ومعيض العجي ورشيد الزلامي ومحمد بن جرشان وفيصل العية وابن شايق وفلاح القرقاح وحبيب والكثير من الشعراء مثل سلطان الهاجري والسناني والذيابي وسعيد بن حنس وخليف دواس وكذالك شعراء المنطقة الجنوبية رحم الله من مات منهم ويحفظ من منهم على قيد الحياة وله الكثير من مواجهات القلطة مع كبار الشعراء ويرافق ذالك خلافات على خشبة المسرح بالجنادرية ابرزها مع طريخم البقمي واحداث كثيره مثل خلافه مع ابن شايق في حفل الشيخ حمود الجهيمي الخلاف الذي لا يتعدى المحاوره وبعدها التصافي خارج المحاوره ونفسر خلافه مع الشعراء لقوة شاعريته وتفكيره المبكر بلغة المعنى . شاعر يحترم المعنى بكافة اشكاله ولكن لمحاوراته مع مطلق الثبيتي وصياف معنى اخر يكون فيه على راحة تامه ويكون العطاء مبطن كثيرا بالغموض. ولانني مثل جماهيره اطرب لما يقول مثل رده على صياف عندما قال : انا بنشدك يا مستور ما شفت البعير شعيل مسكته بالخطام وتله الجمال واقفابه وقال مستور : ترانا يالسحيمي ما نميل ولا نحب الميل انا وياك يا صياف مثل السيف ونصابه ومن مداعباته مع حبيب قوله : العام خابرك يالعازمي راعي غنم واليوم درجك من اوراق العرب ممتلي ورد حبيب وقال : لابله انته يمام ومجلسك بالحرم خمسين عام ِ تجمع ويش خليت لي ومثل قوله من ابداعاته مردود : اخذ حقك من الحق ولك الشرف لا يروحلك عند الطماميع شيء وان تبا الزود ماهو على كل حال كل ما اقعد وما قوم اباقولها اعرف العلم والعارفه من عرف هابط السوق وصل البلد من عشي يا مدور مكاسب بلا راس مال لك نهار امس واليوم ابا قولها ويقول في مباركة لحبيب : مبروك مبروك يا حبيب على الترقية تستاهل الترقية يا حبيب العازمي ويقول لمطاق : يا فكرتي يانكرتي مطلق علامه وانا ماغبت الا حوالا ربع ساعه قام يتلفت فالعقال وفالعمامه وان ضاعت الثنتين ما فيها شفاعة وقال مطلق : بعد نحرت شعيل عطنا من سنامه وانا ولد عمك واخوك من الرضاعة الخير شايف له على وجهك علامه علامة ٍيفخر بها شيخ الجماعة ومع الشاعر الكبير امد الله في عمره خلف بن هذال قوله : نبا نمد السلوك بعيد لا تلوي علينا السلوك بعض الليالي على بعض العرب ياشين غراتها وقال خلف : وصل سلوكك على كيفك وكل العالمين سمعوك شاشتك تنقل علينا المعركة ونشوف غاراتها وقال الشاعر رشيد الزلامي : ان كان يا مستور عندك شيء تعال وسط الملعبه قوله يا عساك تبطي يالعصيمي حي حتى تمتر نجد وش طوله ورد مستور وقال: اللي تدور له يجيك شوي والحول هذا ما مضى حوله ياخي عيد السالفه ياخي ترى الرجل للحق معقوله