سعود بن جمعان..شاعر ساخر يمزج بين واقع حاله والمظاهر التي يراها تستحق التعليق في مقاطع شعرية، يقول مخاطباً إحدى المتسولات: يا بنت ياللي بالمساجد تطوفين كفي يدينك قبل ناخذ ريالك حنا ترانا كلنا مستحقين ماهو انتي اللي مستحقة لحالك لولا الحيا شفتي وزانك ثلاثين أحد ٍ يمين ٍ عنك وأحد ٍ شمالك أمرفعين يديننا ومتقاعين الموجب ان احوالنا مثل حالك وفي هجاء البنك قال : انا لقيت البنك مثل اخويايه ما يقضي الحاجة الى جيت محتاج امس الضحى مريت كل ازملايه وكل ٍعطاله بالمعاذير منهاج وضنيت باقي في رصيدي بقاية وحركت ناصيٍ حارس البنك هجاج ودقيت رقمي صح ما به رواية وطلع عل الشاشة لا داعي للاحراج وكذالك قوله في البنك: البنك لولا لوحته ما عرفناه من قبل ما ندخل على موظف البنك ماغير نقرا لوحته ونتعداه وان قيل هذا البنك قلنا اتركه عنك الشاعر سعود بن جمعان شاعر معاصر ساخر في وصف معيشته ومر وقت لم يستطع فيه دفع الزكاة لان ظروفه المادية تحت الصفر لذلك قال لسائله : لو عندنا شيء ٍ دفعنا زكاته مير البلا ما عندنا ما نزكيه ومن قصائده ذات الشهره الواسعة بالشعر الشعبي والحديث عن والده وجده : ليا صار جدك ما ورث له ملايين ماهوب لازم تشتري له ضحية قل: ياجدي جعلك الله من الناجين والله ما تسوى قيمة البربرية عقبتني للدين ومصارع البين ومن زين طبعك كاتب ٍ لك وصيه لو انت ماخذلك من الخد حوشين يوم الأراضي ابلاش وسط العليه ان كان تلقاني من اهل الدكاكين امطخطخ ٍ هالحين مية بمية لكن يا جدي ضحيتك بعدين ان سهل المولى ثمنها عليه انا بوقت ٍ شين واشين من الشين فيه الخوي ما ينوثق في خويه وله عن الزكاة قوله : قالوا تزكي قلت ماني مزكي من عرفتي للعلم ما قد زكيت ماغير انا والفقر عندي متكي ما كنه الا واحد ٍمن هل البيت وان قلت فارق قام عندي يبكي ويقول انا حاولت ابا روح وازريت واقول وافي مامعي فيك شكي يا واحد ٍلو رحت عودت ما ابطيت وانا وزانك منسدح ومتركي واقول اباسوي ولا قط سويت وله في النصيحة : احذر تجامل واحدٍ ما يجاملك لو أقرب الجدان جدك لجده عامل عباد الله مثل ما تعاملك من شان كلن توقفه عند حده واللي بهرجه وده انه يزعلك اسمع كلامه وازعله من مرده ترا المرد الزين ما هو بجاهلك اعكس له الموضوع والباب لده وان كان رايك ما يعالج مشاكلك كلن تصرف بك على ما يوده وان كان طيبك ما يغطي خواملك مالك سوا تصبر على كل ضده ترى العفو ما هو من الناس شاملك ومن طال صبره بيح الوقت سده وأكال غيرك لا تجي معه يا كلك لو يعترض بالدرب قدمك تعده ومن أفطر بنصك تعشى بكاملك لكن تريق فيه وإلا تغده ومن لا رجا نفعك ولا خاف باطلك عن الخطأ في واجبك وش يرده ورفيقك اللي بالشدايد يزاملك لا صار له لازم على النفس بده