حرصت الفنانة نشوى مصطفى على تعبيرها عن فخرها واعتزازها بالحضارة المصرية وذلك مع اقتراب الحدث الأسطورى نقل موكب المومياوات الملكية. حيث كتبت عبر حسابها على فيس بوك قائلة: "يارب ندعى لجدودنا الفراعنة اللي لحد دلوقتى متمرمغين فى خيرهم ونحاول نشتغل علشان ولادنا يفتخروا بينا أو لو مش حابين نشتغل وفرحانين بالرغى والصريخ على السوشيال ميديا، نسيب الناس اللي بتشتغل تشتغل فى صمت ومانعطلهمش". وأضافت: علشان كده كنت شايفة الخناقات اللي حصلت على السوشيال ميديا الفترة الأخيرة مش فى محلها أوى، كان الأولى نتخانق ونطالب أن الموكب يكون فيه مثلاً نجوم عالميين بحجم محمد صلاح، نور الشربيني، خالد النبوى، رامى مالك، مينا مسعود". يذكر أن احتفالية نقل المومياوات من المتحف المصري بالتحرير للمتحف القومي للحضارة، ستنطلق يوم 3 أبريل المقبل، بمشاركة عدد كبير من الفنانين.